Department of Animal Husbandry : आयोजनाच्या अनुषंगाने जिल्ह्यात प्रशासनाकडे अर्ज येत आहेत. आयोजनाच्या नियमांबाबत जिल्हा पशुसंवर्धन अधिकाऱ्यांनी सूचना जारी केल्या असून बैलगाडा शर्यतीचे आयोजन करण्यासाठी आयोजकांनी किमान १५ दिवस आधी विहित नमुन्यात अर्ज आवश्यक कागदपत्रांसह करावा.
अर्जासह हमीच्या स्वरूपात ५० हजार रुपये प्रतिभूती ठेवी ठेवणे आवश्यक आहे. यात्रा, जत्रा, उत्सव अशा प्रसंगीच शर्यतीचे आयोजन व्हावे. राजकीय कार्यक्रम, वाढदिवस अशा प्रसंगी आयोजन करू नये, असे आवाहन करण्यात आले आहे.
आयोजनासाठी या आहेत अटी
बैलगाडा शर्यत, शंकरपट, छकडी आदींसाठी धावपट्टी एक हजार मीटरपेक्षा कमी लांबीची असावी. शर्यतीची धावपट्टी अतिशय उतार असलेली, दगड- खडक असलेली, दलदल असलेली, पाणथळीची असू नये. धावपट्टीपुढे बैलगाडीचा वेग मंदावण्यासाठी पुरेशी सपाट जागा ठेवावी. रस्त्यावर किंवा महामार्गावर शर्यती आयोजित करण्यात येऊ नये.
कोणत्याही बैल किंवा वळूचा वापर एका दिवसात तीनपेक्षा अधिक शर्यतीत करू नये. बैलांना धावपट्टीवर आणण्याआधी ३० मिनीटे आराम द्यावा. पुरेशी सावली, चारापाणी असावे. पशुवैद्यकीय आरोग्य प्रमाणपत्र असावे. एका गाडीवानास बैलगाडा चालविण्याची परवानगी आहे.
...तर होणार कारवाई
शर्यतीदरम्यान बैलास दुखापत होईल असे चाबूक, काठी वापरू नये. प्राण्यांच्या, गाडीवानाच्या व प्रेक्षकांच्या सुरक्षेची जबाबदारी आयोजकांवर आहे. प्राण्यांना क्रूरपणे वागविण्यास प्रतिबंध आहे. तसे आढळल्यास आयोजकांवर कायदेशीर कारवाई करण्यात येईल, असा इशारा देण्यात आला आहे.
ॲग्रोवनचे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.
ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.