सहाय्यक स्तरावरील पीक पाहणीसाठी 3० नोव्हेंबरपर्यत मुदतवाढई-पीक पाहणीच्या माध्यमातून १.०८ कोटींहून अधिक हेक्टर क्षेत्रावरील खरीप पिकांची नोंद १०० टक्के पीक पाहणी पूर्ण करण्याचे सरकारचे उद्दिष्ट .Peek Pahani: सहाय्यक स्तरावरील पीक पाहणीची मुदत ३० नोव्हेंबरपर्यंत वाढवण्यात आली आहे. याबाबतची माहिती महसूल मंत्री चंद्रशेखर बावनकुळे यांनी दिली आहे. ज्या शेतकऱ्यांनी अद्याप खरीप हंगाम २०२५ मधील पीक पाहणी पूर्ण केलेली नाही, त्यांनी तत्काळ संबंधित सहाय्यकामार्फत आपल्या शेतातील पीक पाहणी करुन घ्यावी, असे आवाहन करण्यात आले आहे..राज्यातील काही भागात सध्या सुरु असलेला अवकाळी पाऊस, पूरसदृश परिस्थिती यामुळे संपूर्ण पीक क्षेत्राची नोंदणी झालेली नाही. या पार्श्वभूमीवर पीक नोंदणीला मुदतवाढ देण्यात आली आहे..PM Dhandhanya Krishi Yojana: ‘धनधान्य’चा कृती आराखडा सर्वसमावेशक करा.ई-पीक पाहणीच्या माध्यमातून १.०८ कोटींहून अधिक हेक्टर क्षेत्रावरील खरीप पिकांची नोंद झाली आहे. त्यानंतर १ ऑक्टोबरपासून सहाय्यक स्तरावरील पीक पाहणी सुरु आहे. त्यासाठी आधी २९ ऑक्टोबरपर्यंत अंतिम मुदत होती. आता त्यासाठी ३० नोव्हेंबरपर्यंत मुदतवाढ दिली आहे. १०० टक्के पीक पाहणी पूर्ण करण्याचे सरकारचे उद्दिष्ट आहे. .सहाय्यक हे प्रत्यक्ष शेतात जाऊन पिकाची पाहणी करतात. त्यानंतर सहाय्यकाने केलेल्या या पीक पाहणीची शंभर टक्के तपासणी ग्राम महसूल अधिकाऱ्यामार्फत केली जाते. ग्राम महसूल अधिकाऱ्यांनी कार्यवाही पूर्ण केल्यानंतरल मंजूर केलेली पीक पाहणी 7/12 वर प्रसिद्ध होतो, अशी ही प्रक्रिया आहे..Sugarcane Management: थंडीचा उसावर होणारा परिणाम अन् उपाययोजना.दरम्यान, नागपुरात माध्यमांशी बोलताना बावनकुळे म्हणाले की, आपल्याला अगोदर अतिवृष्टी, पूरहानी यातून महाराष्ट्राला बाहेर काढावे लागेल. रब्बी पिकांकडे लक्ष द्यावे लागेल. शेतकऱ्यांना खते मिळायला पाहिजेत..शेतकऱ्यांचे कर्ज वसूल करायचे नाही- बावनकुळेअशी कुठली बँक आहे का? जी तगादा लावून शेतकऱ्यांची पिळवणूक करते. सरकार त्यावर कारवाई करेल, असा इशारा बावनकुळे यांनी दिला आहे. ''शेतकऱ्यांचे कर्ज वसूल करायचे नाही, त्यांना तगादा लावायचा नाही. कुठलेही सरकारी अनुदानाचे पैसे कापायचे नाहीत, अशा सूचना आम्ही बँकांना दिलेल्या आहेत. जर कुठली बँक शेतकऱ्यांना त्रास देत असेल, तर त्याची माहिती आम्हाला द्यावी. सरकार त्यावर योग्य कारवाई करेल.'' असे त्यांनी स्पष्ट केले आहे..ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
