Water Shortage : पाणीटंचाई निवारणासाठी परभणी जिल्ह्यात जूनपर्यंत ३.८४ कोटी खर्च अपेक्षित

Patrbhani News : परभणी ः यंदा एप्रिल ते जून या कालावधीत परभणी जिल्ह्यातील २६७ गावे आणि १२० वस्त्यांवरील संभाव्य पाणी टंचाई निवारणार्थ कृती आराखड्यात ४७९ योजनांचा समावेश असून त्यावर ३ कोटी ८४ लाख ७ हजार रुपये खर्च अपेक्षित आहे.  या कृती आराखड्यास जिल्हा प्रशासनाने मंजुरी दिली आहे.

परभणी जिल्ह्यात २०२४ च्या पावसाळ्यात सरासरीपेक्षा जास्त पाऊस झाला. त्यामुळे पाणीपुरवठा योजनांचे स्त्रोत असलेल्या विंधन विहिरी, विहिरी तसेच लघु, मध्यम, मोठ्या प्रकल्पांमध्ये जलसाठा उपलब्ध झाला होता. विविध प्रकल्पांच्या कालव्यांची आवर्तने सुरू असलेल्या भागातील विहिरींची पाणीपातळी वर  आहे.

परंतु इतर भागात बेसुमार उपसा तसेच तापमानात वाढ झाल्यामुळे जलस्त्रोतांची पाणीपातळी खालावली आहे. अनेक भागात जानेवारी महिन्यातच विहिरींचे तळ उघडे पडले आहेत. त्यामुळे यंदा फेब्रुवारी महिन्यातील तापमान वाढीसोबतच टंचाई सुरू झाली.

एप्रिल ते जून पाणीटंचाई निवारण कृती आराखडा स्थिती (खर्च रक्कम लाख रुपयात)

तालुका गावे वाड्या लोकसंख्या योजना खर्च रक्कम
परभणी १७ ०० ५८१४९ १७ ९.१८
जिंतूर १२ २ ३८४३३ २९ ५४.९८
सेलू ५४ ११ ८४९७० ७० ३७.८०
मानवत १४ ०० २३२०३ १४ २५.६६

पाथरी १५ ११ ३०८५२ २८ १८.४६
सोनपेठ २९ ४१ ६००७५ ८२ ४५.७२
गंगाखेड ५६ ४३ १२०६०८ १२९ ८४.४२
पालम ५९ ४३ ८२६३२ ९९ १०१.९१
पूर्णा ११ ०० ३४६२१ १७ ९.१८