Crop Damage Issue: ऑगस्ट आणि सप्टेंबर महिन्यातील पावसाच्या प्रदीर्घ खंडाचा फुलोरा अवस्थेतील सोयाबीन आणि कपाशी तसेच वाढीच्या अवस्थेतील खरीप पिकांना जबरदस्त तडाखा बसला आहे. परभणी जिल्ह्यातील यंदाच्या ४ लाख ९४ हजार हेक्टर पेरणी क्षेत्रापैकी संभाव्य नुकसान क्षेत्र ४ लाख ७१ हजार हेक्टर असल्याचा अंदाज आहे. सर्वच खरीप पिकांच्या उत्पादनात मोठी घट येणार आहे सर्वेक्षण केल्यानंतर बाधित क्षेत्राची अंतिम आकडेवारी स्पष्ट होईल असे कृषी विभागाच्या सूत्रांनी सांगितले..परभणी जिल्ह्यात जून ते सप्टेंबर या कालावधीतील (मान्सून कालावधी) सरासरी पर्जन्यमान ७६१.३ मिमी असून बुधवार (ता.१६) पर्यंत ३७३.९ मिमी म्हणजेच सरासरीच्या ४९.१ टक्के पाऊस झाला.जिल्ह्यात खरीप पिकांचे सरासरी क्षेत्र ५ लाख १८ हजार ४६७ हेक्टर आहे. बुधवार (ता.१६) पर्यंत ४ लाख ९४ हजार ६९७ हेक्टर (९५.५१ टक्के) जिल्ह्यात सरासरीच्या तुलनेत अत्यंत कमी पाऊस झाला असून तसेच असमान वितरण झाले. सलग २५ हून अधिक दिवस पावसाच्या खंडामुळे सर्वच खरीप पिकांना पाण्याचा ताण बसला आहे..Satara Rain Update : सातारा जिल्ह्यात पावसाच्या ओढीने पिके संकटात.हलक्या जमिनीवरील पिके करपली आहेत. भारी, हलक्या व मध्यम जमिनीतील पिकांना संवेदनशील अवस्थेत ताण बसल्यामुळे वाढ खुंटली. पावसाचा खंडामुळे रसशोषक कीडीसह इतर किडींचा प्रादुर्भाव वाढल्याचे आढळून येत आहे. कपाशीचे पीक फुले व पाते अवस्थेत आहे. अपुऱ्या पावसामुळे वाढ खुंटली आहे. पातेगळ, फुलगळ, बोंडगळ होत असल्यामुळे उत्पादनात मोठी घट येण्याची शक्यता आहे. सोयाबीनचे पीक शेंगा भरण्याच्या संवेदनशील अवस्थेत आहे. पिकाच्या वाढीवर विपरीत परिणाम झाला आहे..तूर पिकाच्या वाढीवर विपरीत परिणाम झाला असून उत्पादकतेत मोठी घट येण्याची शक्यता आहे. मुगाची काढणी झाली असून उत्पादनामध्ये घट आल्याचे निदर्शनास आले आहे. उडिदाचे पीक शेंगा भरण्याच्या अवस्थेत असून पाण्याचा ताण बसल्यामुळे उत्पादकतेत घट येण्याची शक्यता आहे. हळदीच्या क्षेत्रात वाढ होऊन १२ हजार ३०० हेक्टरवर लागवड झाली असून पावसाच्या खंडामुळे वाढ खुंटली असून उत्पादकतेवर परिणाम होणार आहे. ऊस लागवड क्षेत्र ९ हजार ६३७ हेक्टर असून कमी पावसामुळे उसावर पायरीला या रसशोषक कीडीचा प्रादुर्भाव आढळून येत आहे. वाढ खुंटली आहे.फळे,भाजीपाला पिके तसेच मका,बाजरी ज्वारी तसेच चारा पिकांना पिकास गरज असताना पाणी कमी पडले..Soybean Crop Crisis: पिकांसोबत शेतकऱ्यांचे चेहरेही सुकू लागले...!.खरीप २०२६ पीकनिहाय पेरणी स्थितीपीक सरासरी क्षेत्र पेरणी क्षेत्र टक्केवारीसोयाबीन २५४०५४ २६५७६२ १०४.६०कपाशी १९१९५४ १८८८२५ ९८.३६तूर ४२६०२ ३११९७ ७३.२२मूग १७६०० ४९३५ २८.०४उडिद ६४१३ २०८० ३२.४४.पावसाच्या प्रदीर्घ खंडाचा फुलोरा अवस्थेतील सोयाबीन तसेच कपाशी दोन नगदी पिकांचे सर्वाधिक नुकसान झाले आहे.परिपक्वतेच्या अवस्थेत पाण्याचा ताण बसल्यामुळे उत्पादकतेत मोठी घट येण्याची शक्यता आहे. पंचनामे पूर्ण झाल्यानंतर अंतिम बाधित क्षेत्र निश्चित होईल.भास्कर कोळेकर, जिल्हा अधीक्षक कृषी अधिकारी, परभणी..ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
