Solapur News : कर्मयोगी सुधाकरपंत परिचारक पांडुरंग सहकारी साखर कारखाना हा गळीत हंगाम २०२३-२४ मध्ये गाळपास येणाऱ्या उसास चांगला दर देणार असून, व्यवस्थापनाने चालू हंगामात विस्तारीकरण केले आहे.
प्रतिदिन साडेआठ ते नऊ हजार टन गाळप करणार आहोत. या हंगामात दहा लाख टन गाळपाचे उद्दिष्ट ठेवले आहे, अशी माहिती कारखान्याचे अध्यक्ष प्रशांत परिचारक यांनी दिली.
येथील कर्मयोगी सुधाकरपंत परिचारक पांडुरंग सहकारी साखर कारखान्यात उत्पादित झालेल्या पहिल्या साखर पोत्याचे पूजन कारखान्याचे अध्यक्ष प्रशांत परिचारक यांच्या हस्ते करण्यात आले. यावेळी संचालक, कार्यकारी संचालक डॉ. यशवंत कुलकर्णी व अधिकारी उपस्थित होते.
परिचारक पुढे म्हणाले, पांडुरंग सहकारी साखर कारखाना हा नेहमीच सभासद शेतकऱ्यांचे, कामगारांचे हित जोपासत आला आहे. कारखान्याचा को-जन. प्रकल्पही वाढीव क्षमतेने चालणार असून, आसवनी प्रकल्प ९० हजार बल्क लिटर क्षमतेने चालविणार आहोत.
यावेळी कारखान्याचे संचालक दिनकरराव मोरे, वसंतराव देशमुख, उमेश परिचारक, दिलीप चव्हाण, ज्ञानदेव ढोबळे, तानाजी वाघमोडे, बाळासाहेब यलमर, भगवान चौगुले, लक्ष्मण धनवडे, भास्कर कसगावडे, भैरू वाघमारे, गंगाराम विभूते, हणमंत कदम, सुदाम मोरे, विजय जाधव, किसन सरवदे, श्‍यामराव साळुंखे, सीताराम शिंदे, राणू पाटील, तज्ज्ञ संचालक दाजी पाटील, दिलीप गुरव आदी मान्यवर उपस्थित होते.
ॲग्रोवनचे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.
ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.