Solapur News : श्री संत ज्ञानेश्वर महाराजांचा पालखी सोहळा ३० जूनला तर श्री संत तुकाराम महाराजांचा पालखी सोहळा १ जुलै रोजी सोलापूर जिल्ह्यात प्रवेश करीत आहे. यावर्षी नेहमीच्या सेवा सुविधांबरोबरच प्रशासनाने वारकरी व भाविकांसाठी विविध सेवासुविधांसह हटके नियोजन केल्याने सर्वांचा या पालखी सोहळ्यातील प्रवास सुखकर करण्यात प्रशासन यशस्वी होणार, असे दिसून येत आहे.
वारकऱ्यांसाठी वॉटरप्रूफ मंडप, सर्व गावांमध्ये ठिकाणे दर्शक फलक, सेवा दर्शक फलक लावण्यात येत असल्याने पालखी सोहळ्यातील दिंडीकरी, वारकऱ्यांबरोबरच टँकर भरणाऱ्या वाहनांना सहज माहिती उपलब्ध होणार आहे.
पालखी सोबत चालणाऱ्या वारकऱ्यांना, दिंडीमधील वारकऱ्यांना व सोबत असणाऱ्या वाहनांना प्रत्येक गावात आपले मुक्कामाचे ठिकाण, पाणी भरण्याचे ठिकाण, आरोग्य कक्ष, आपत्ती व्यवस्थापन कक्ष आदी शोधण्यास अवघड जाते.
परंतु, यावर्षी जिल्हा परिषदेने ठिकठिकाणी टँकर भरणा केंद्र, पालखी विसावा व वारकरी सुविधा केंद्र, पालखीतळ, गोल रिंगण आदींबाबत फलके लावली आहेत. त्याचबरोबर सर्वत्र पावसाळी हवामान असल्याने पाऊस आल्यानंतर वारकऱ्यांना निवाऱ्याची सोय व्हावी यासाठी ठिकठिकाणी यावर्षी प्रथमच वॉटरप्रूफ मंडप उभारण्यात आले आहेत.
यावर्षी प्रथमच प्रत्येक ग्रामपंचायतीला यावर्षीचा ७५ टक्के निधी व गतवर्षीचा थकीत निधी २० दिवस अगोदर मिळाल्याने ग्रामपंचायतींनी चांगली तयारी केली आहे. पालकमंत्री जयकुमार गोरे यांच्या सूचनेनुसार, जिल्हाधिकारी कुमार आशीर्वाद, जिल्हा परिषदेचे मुख्य कार्यकारी अधिकारी कुलदीप जंगम यांच्या मार्गदर्शनाखाली पालखीच्या सेवा-सुविधांची तयारी पाहून सर्व स्तरांतून समाधान व्यक्त होत आहे.
ॲग्रोवनचे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.
ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.