Ahilyanagar News: देशी बियाण्यांचे जतन आणि संवर्धन करणाऱ्या पद्मश्री राहीबाई पोपेरे यांनी कोंभळणे (ता. अकोले) येथे दिवाळीनिमित्त देशी बियाण्यांचा जागर करत बियाण्यांची रास घालून व रांगोळी काढून पूजन केले. देशी बियाण्यांचे जतन करण्यासाठी प्रत्येक शेतकऱ्यांचा सहभाग असावा, असे अवाहन पोपेरे यांनी केले..कोंभाळणे (ता. अकोले) या आदिवासी पट्ट्यात पद्मश्री राहिबाई पोपेरे गेल्या अनेक वर्षांपासून देशी बियाण्यांचे संवर्धन करत आहेत. बीजमाता अशी ओळख असलेल्या राहीबाई यांनी दिवाळीनिमित्त देशी बियाणे संवर्धन आणि जतनाचा जागर केला..Indigenous Seed Conservation : देशी बियाणे संवर्धन ते धान्य प्रक्रिया ‘बळीराजा’ कंपनीची भरारी.दिवाळी लक्ष्मीपूजन, पाडवा आणि भाऊबिजेनिमित्त पोपेरे यांनी पारंपरिक देशी बियाण्यांचा बियाणे रूपी दिवा आणि नुकतेच शेतात तयार झालेले बियाणे यांची सुंदर आरास तयार करून त्यांचे पूजन केले..घराच्या दारावर भात बियाण्यांचे तोरण केले. लक्ष्मी पूजनासाठी नागली, वरई, खुरसानी व इतर भाजीपाल्यांचे बियाण्यांची रांगोळी काढली. पूजेसाठी उत्कृष्ट पद्धतीने गावराण बियाण्यांची मांडणी केलेली होती. देशी बियाण्यांचे जतन करणे गरजेचे आहे. त्यासाठी प्रत्येक शेतकऱ्यांनी पुढाकार घेण्याची गरज असल्याची भावना त्यांनी या वेळी व्यक्त केली..ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
