Farmer Dues: खरीप हंगामातील धानाची शासनाने हमी दराने खरेदी केली असली, तरी चुकारे वेळेत न मिळाल्याने शेतकरी अडचणीत सापडले आहेत. जिल्ह्यातील तब्बल ६२९ शेतकऱ्यांचे सुमारे ४ कोटी ६४ लाख रुपयांचे देयक अद्याप प्रलंबित असल्याची माहिती समोर आली आहे. आधी खरेदीसाठी तर आता चुकाऱ्यासाठी प्रतीक्षा करावी लागत असल्याने शेतकऱ्यांमध्ये असंतोष निर्माण झाला आहे. .जिल्ह्यात ३१ जानेवारीपासून धान खरेदीस सुरुवात झाली. ही खरेदी २३ मार्चपर्यंत चालली. यात ३ हजार २४३ शेतकऱ्यांकडून १ लाख २० हजार ७५२ क्विंटल धान खरेदी करण्यात आला. धान खरेदी झाल्यानंतर खरेदी केंद्रांकडून माहिती ऑनलाइन प्रणालीत अपलोड करणे, त्यानंतर पडताळणी झाली की आठवड्याभरात थेट डीबीटीद्वारे पैसे शेतकऱ्यांच्या खात्यात जमा होते, असा शासनाने नियम आखून दिला आहे. .Paddy Procurement: धान्य खरेदीचे पैसे रखडले .मात्र या नियमाचा शासकीय यंत्रणेलाच विसर पडला आहे. शेतकऱ्यांना किमान आधारभूत किंमत (एमएसपी) मिळाली असली, तरी प्रत्यक्ष पैसे खात्यावर जमा होण्यासाठी महिनाभरापेक्षा अधिक कालावधी लागत आहे. जिल्ह्यात ६२९ शेतकऱ्यांचे सुमारे ४ कोटी ६४ लाख ९५ हजार ७५९ रुपये शासनाकडे थकले आहे. ऑनलाइन नोंदणीत उशीर, बँक खात्याची पडताळणी, खरेदी केंद्राकडून कागदपत्रे अपूर्ण असणे, राज्य, केंद्र स्तरावरील निधी वितरणात विलंब यामुळे उशीर होत असल्याचे सांगण्यात आले. .खरेदी झालेल्या धान शेतकऱ्यांपैकी २ हजार ६१४ शेतकऱ्यांचे चुकारे अदा करण्यात आले आहे. नव्याने धान खरेदीसाठी उद्दिष्ट देण्यात आले होते. त्या अनुषंगाने केलेल्या खरेदीचे चुकारे रखडले आहे. पुढील महिन्यात चुकारे होतील, अशी अपेक्षा पणन विभागाकडून वर्तविण्यात आली आहे..Paddy Procurement: धान्य खरेदीचे पैसे रखडले .काही केंद्रांवर शून्य खरेदीधान खरेदीसाठी जिल्ह्यात २८ केंद्रांना मंजुरी देण्यात आली होती. मात्र यापैकी आठ केंद्रांवर खरीप हंगामात एकाही शेतकऱ्यांकडून धान खरेदी करण्यात आला नाही. यात मौजा तालुक्यात महादुला, चाचेर, खात, रेवराळ, निमखेडा, खर्डा, अरोली, रामटेक, पारशिवनी, कामठी या केंद्राचा समावेश आहे..फेब्रुवारीपर्यंतच्या धान खरेदीचे चुकारे अदा करण्यात आले आहेत. त्यानंतर झालेल्या १० हजार क्विंटल खरेदीचे चुकारे बाकी आहेत. पुढील महिन्यात हे चुकारे अदा होतील, अशी अपेक्षा आहे.-अजय बिसेन, जिल्हा पणन अधिकारी, नागपूर..ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
