Nagpur News: शासनाकडून शेतीमाल खरेदीची हमी दिली जात असली, तरी प्रत्यक्षात दिले जाणारे उद्दिष्ट आणि प्रत्यक्ष लागवड क्षेत्र यामध्ये मोठी तफावत दिसून येत आहे. नागपूर जिल्ह्यात यंदा तब्बल ९६ हजार ९९८.२८ हेक्टरवर धान लागवड करण्यात आली असताना, पहिल्या टप्प्यात केवळ ४६ हजार क्विंटल धान खरेदीचे उद्दिष्ट देण्यात आले होते. लागवड क्षेत्राच्या तुलनेत हे उद्दिष्ट अवघ्या अर्धा टक्क्यांपेक्षाही कमी असल्याने शेतकरी वर्तुळात नाराजी व्यक्त होत होती..मात्र, यंदा परिस्थिती काहीशी वेगळी ठरली. मागील दोन-तीन वर्षांत खुल्या बाजारात हमीभावापेक्षा जास्त दर मिळत असल्याने शेतकऱ्यांनी हमीभाव केंद्रांकडे पाठ फिरवली होती. यंदा मात्र खुल्या बाजारात हमीभावापेक्षा प्रति क्विंटल सुमारे ६०० रुपयांनी कमी दर मिळत असल्याने शेतकऱ्यांचा ओघ थेट शासकीय खरेदी केंद्रांकडे वळला. .Paddy Cultivation: पुणे जिल्ह्यातील भात लागवडी खोळंबल्या.नोव्हेंबरच्या पहिल्या आठवड्यात धान खरेदीचे आदेश देण्यात आले. मात्र, हमीभाव केंद्रांवर आवश्यक आधार ऑथेंटिकेशन उपकरणांचा अभाव, तांत्रिक अडचणी यामुळे प्रत्यक्ष खरेदी प्रक्रिया आठवडाभर उशिराने सुरू झाली. तरीही अवघ्या दीड महिन्यातच दिलेले उद्दिष्ट पूर्ण झाले. २९ डिसेंबरअखेर जिल्ह्यातील २७ हमीभाव केंद्रांवरून ४१ हजार ९९४ शेतकऱ्यांचा ५९ हजार ६७२.९८ क्विंटल धानाची खरेदी करण्यात आली आहे..Paddy Cultivation : वाडा कोलम भात लागवडीची पाहणी.ही खरेदी मूळ उद्दिष्टाच्या ३० टक्क्यांपेक्षा अधिक असल्याचे पणन विभागाकडून स्पष्ट करण्यात आले आहे. विशेष म्हणजे, उद्दिष्टपूर्ती होऊनही शेतकऱ्यांचा ओघ अद्याप सुरूच आहे. खरीप हंगामातील पीक कापणी प्रयोगानुसार जिल्ह्यात धानाची प्रति हेक्टर सरासरी उत्पादकता ३२.८१ क्विंटल नोंदवली गेली असून, नजर अंदाजित उत्पादकता ४० क्विंटल प्रति हेक्टर गृहित धरण्यात आली आहे. केंद्र शासनाने यंदा संपूर्ण राज्यासाठी ७८ लाख क्विंटल धान खरेदीचे उद्दिष्ट निश्चित केले आहे. मात्र, नागपूर जिल्ह्याला लागवड.क्षेत्राच्या तुलनेत अत्यल्प उद्दिष्ट देण्यात आल्याचे चित्र स्पष्ट झाले आहे. मागील दोन वर्षांतील हमीभाव केंद्रांवरील खरेदीच्या आधारावर यंदाचे उद्दिष्ट निश्चित केल्याचे पणन विभागाने सांगितले..नोंदणीसाठी महिनाभर मुदतवाढवाढत्या प्रतिसादामुळे शेतकऱ्यांच्या नोंदणीसाठी महिनाभराची मुदतवाढ देण्यात आली आहे. मात्र, या कालावधीत प्रत्यक्षात किती शेतकऱ्यांचे धान खरेदी होणार, याकडे सर्वांचे लक्ष लागले आहे..ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
