Electricity Tripping Problem: एकीकडे शासनाकडून शेतकऱ्यांना दिवसा वीज देण्याच्या गप्पा मारल्या जात असताना, दुसरीकडे प्रत्यक्षात मात्र वीज वितरण कंपनीच्या ढिसाळ कारभारामुळे शेतकरी मेटाकुटीला आला आहे. दिवसा ८ तास वीज देऊन काय फायदा त्यातले २-३ तास तर फक्त 'फेज' उडण्यात आणि ट्रिपिंग मध्येच जातात, असा संतप्त सवाल आता शेतकरी विचारत आहेत..शेतकऱ्यांच्या तक्रारीनुसार, दिवसा मिळणाऱ्या वीज पुरवठ्यात अजिबात 'करंट' (व्होल्टेज) नसतो. कमी दाबाच्या वीज पुरवठ्यामुळे शेतातील विद्युत पंप पुरेसे पाणी खेचू शकत नाहीत. इतकेच नव्हे तर, वारंवार होणाऱ्या चढ-उतारामुळे महागड्या मोटारी जळून खाक होत आहेत. यामुळे शेतकऱ्यांना दुहेरी आर्थिक फटका बसत असून हाताशी आलेले पीक डोळ्यादेखत करपून जात आहे..Power Supply Issues: विस्कळीत वीजपुरवठ्यावरून आमदार आक्रमक.या पार्श्वभूमीवर शेतकऱ्यांची मागणी आहे की, जर दिवसा पुरेसा दाब मिळत नसेल, तर किमान १२ तास वीज पुरवठा करण्यात यावा. दिवसाची ८ तासांची वेळ ही केवळ कागदावरच असून तांत्रिक बिघाडामुळे प्रत्यक्ष वापर अत्यंत कमी होतो. दिवसा नीट वीज देता येत नसेल, तर किमान रात्रीचा वीज पुरवठा तरी सुरळीत ठेवा, अन्यथा पीक उत्पादकता प्रभावित होत नुकसान झाल्याशिवाय राहणार नाही, अशा भावना शेतकरी व्यक्त करत आहेत..Power Supply Issues: विजेच्या कमी दाबामुळे पेड परिसरात शेतकरी त्रस्त.प्रशासनाचा आडमुठेपणा कधी थांबणारविजेच्या लपंडावामुळे सिंचनाचे वेळापत्रक पूर्णपणे कोलमडले आहे. एकीकडे निसर्गाची साथ नाही आणि दुसरीकडे वीज मंडळाचा हा जाच, अशा कात्रीत बळीराजा अडकला आहे. या गंभीर प्रश्नावर प्रशासनाने तात्काळ लक्ष देऊन वीज पुरवठ्यात सुधारणा करावी, अन्यथा तीव्र आंदोलन छेडण्याचा इशारा जांब, आंधळगाव, काटेबम्हणी, मोहाडी व तुमसर तालुक्यातील शेतकऱ्यांनी दिला आहे..शासकीय नियमानुसार ८ तास वीज देण्याचे आश्वासन दिले जाते, पण त्यातले २-३ तास जर 'ट्रिपिंग' आणि 'लो व्होल्टेज' मध्ये जात असतील, तर प्रभावीपणे फक्त ५-६ तास वीज मिळते. इतक्या कमी वेळात पूर्ण शेतीला पाणी देणे अशक्य आहे.-बालचंद बोन्द्रे, शेतकरी, खापा. तुमसर..सरकारने शेतकऱ्यांची फसवणूक केली आहे. किमान दिवसा लाईट १२ तास तरी द्यावे जेणेकरून शेतीच्या नुकसान होणार नाही.-रमेश हलमारे, शेतकरी, ताडगाव, मोहाडी..ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
