Mumbai News: महाडीबीटी पोर्टवरील कृषी यांत्रिकीकरण योजनेसाठी ३२ लाख, ६७ हजार २२५ लाभार्थ्यांची कृषी विभागातर्फे निवड करण्यात आली आहे.कृषी यांत्रिकीकरण योजनेअंतर्गत कृषी यांत्रिकीकरण उपअभियान, राज्य पुरस्कृत कृषी यांत्रिकीकरण व राष्ट्रीय कृषी विकास योजना कृषी यांत्रिकीकरण या तीन योजना महाडीबीटी पोर्टलवर राज्यात राबविल्या जात आहेत. .प्रथम येणाऱ्यास प्राधान्य या योजनेनुसार महाडीबीटी पोर्टलवरील प्रलंबित अर्जांची छाननी करून यादी प्रसिद्ध करण्यात आली आहे.महाडीबीटी पोर्टलरवरील कृषी यांत्रिकीकरण उपअभियानांतर्गत ३ लाख ३८ हजार ४८४ लाभार्थ्यांची, राज्य पुरस्कृत कृषी यांत्रिकीकरण योजनेअंतर्गत २९ लाख २६ हजार ६१४ लाभार्थ्यांची, राष्ट्रीय कृषी विकास योजना कृषी यांत्रिकीकरण योजनेंतर्गत २१२७ अशा एकूण ३२ लाख ६७ हजार २२५ लाभार्थ्यांची निवड करण्यात आली आहे..Agriculture Scheme : कृषी योजनेत प्राधान्यक्रम ठरणार महत्त्वाचा.यामध्ये लाभार्थ्यांना कागदपत्रे अपलोड करण्याकरिता कोणताही विशिष्ट दिवसांचा कालावधी दिलेला नसून कोणताही अर्ज रद्द होणार नाही, असा निर्णय घेण्यात आला आहे. त्यामुळे कोणत्याही शेतकऱ्याचा अर्ज आपोआप रद्द होणार नाही. निवड झालेल्या शेतकऱ्यांना या योजनेतून लाभ घ्यायचा नसल्यास त्यांची संमतीपत्र घेऊनच तालुकास्तरावरून अर्ज रद्द करण्यात येणार आहे. यासाठी शेतकऱ्यांनी सहायक कृषी अधिकाऱ्यांशी संपर्क साधून पूर्वसंमती मिळाल्यानंतर अवजारे खरेदी करावी लागणार आहे..प्रथम येणाऱ्यास प्राधान्यकृषिमंत्री दत्तात्रय भरणे यांच्या अध्यक्षतेखाली कृषी विभागाचे अपर मुख्य सचिव विकास रस्तोगी, कृषी आयुक्त सूरज मांढरे आणि सर्व कृषी संचालकांच्या उपस्थितीत या योजनेसंदर्भात आढावा बैठक घेण्यात आली. या बैठकीत कृषी यांत्रिकीकरण घटकांतर्गत प्रलंबित अर्जांची संख्या मोठ्या प्रमाणात असल्याने आणि सर्व योजनांमधून उपलब्ध होणारा निधी मोठ्या प्रमाणात असल्याने सर्व प्रलंबित अर्जांची निवड करण्याच्या सूचना देण्यात आल्या होत्या..Agriculture Scheme : कृषी योजनेत प्राधान्यक्रम ठरणार महत्त्वाचा.२०२५-२६ अंतर्गत वरील तीनही योजनांमधून महाडीबीटी पोर्टलवर अर्ज करणाऱ्या लाभार्थ्यांची प्रथम अर्ज करणाऱ्यास प्रथम प्राधान्याने निवड करण्यात आलेली आहे. यामध्ये ट्रॅक्टर, रोटाव्हेटर, पावर टिलर, कंबाईन हार्वेस्टर, मनुष्यचलित यंत्रे, ट्रॅक्टर चलित अवजारे, फवारणी यंत्रे, अवजारे बँक इत्यादींची निवड करण्यात आलेली आहे..कृषी यंत्रे, अवजारांवरील जीएसटीच्या दरामध्ये घट करण्यात आलेली असून, त्याचा देखील शेतकऱ्यांना लाभ होणार आहे. याबाबतीत कृषी यंत्रे, अवजारे उत्पादक व विक्रेते यांनी गैरप्रकार केलेला आढळल्यास संबंधितांवर कारवाई करू.दत्तात्रय भरणे, कृषिमंत्री.ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
