Chhatrapati Sambhajinagar News: कृषी विज्ञान केंद्र छत्रपती संभाजीनगर-१ येथे असलेल्या जैविक निविष्ठा उत्पादन प्रयोगशाळा युनिट फार उल्लेखनीय असून याचा शेतकरी बांधवांना जास्त प्रमाणात फायदा होण्यासाठी आणखी मोठ्या प्रमाणावर विविध विस्तार कार्यक्रमांचे आयोजन केव्हीके मार्फत करण्यात यावे. तसेच केव्हीके मार्फत राबविण्यात येत असलेले विविध प्रकल्प आणि उपक्रम हे उल्लेखनीय असून यापुढेही असेच कार्य करत राहावे, अशी सूचना भारतीय कृषी संशोधन परीषद-अटारी, पुणेचे संचालक डॉ. एस. के. रॉय यांनी केली..वसंतराव नाईक मराठवाडा कृषी विद्यापीठ, परभणीचे डॉ. राकेश अहिरे व डॉ. रॉय यांनी नुकतीच कृषी विज्ञान केंद्र, पैठण रोड, छत्रपती संभाजीनगर येथे भेट दिली. त्यावेळीं डॉ. रॉय बोलत होते. यावेळी कृषी विज्ञान केंद्रांच्या सर्व कर्मचाऱ्यांची बैठक घेण्यात आली. यावेळी डॉ. अहिरे यांनी डॉ. रॉय यांचे कृषी विज्ञान केंद्राच्या वतीने स्वागत केले..Agricultural Sales Centre: खामगाव येथे सेंद्रिय शेतीमाल विक्री केंद्र सुरू.यावेळी केव्हीके, छत्रपती संभाजीनगर-१ च्या कार्यक्रम समन्वयक डॉ. दिप्ती पाटगावकर यांनी कृषी विज्ञान केंद्र, छत्रपती संभाजीनगर-१ द्वारे राबविण्यात येत असलेल्या विविध प्रकल्प आणि उपक्रमाबद्दल सविस्तर माहिती दिली. तसेच केव्हीकेच्या तांत्रिक मार्गदर्शनाखालील कृषी उद्योजकांची माहिती दिली..Agricultural Research Centre Kolhapur : पोहे, चिरमुऱ्यासाठी भाताचे नवे वाण, राधानगरी कृषी संशोधन केंद्राकडून विकसित.यापुढील काळात कृषी विज्ञान केंद्रामार्फत घेण्यात येणाऱ्या कार्याची माहिती दिली. डॉ. रॉय म्हणाले, की कृषी विज्ञान केंद्रे खूप उत्तम पद्धतीने कार्य करत आहेत. ज्यामुळे कृषी तंत्रज्ञान शेतकरी बांधवांपर्यंत पोहचविण्यात मोठ्या प्रमाणावर यश येताना दिसत आहे. डॉ. अहिरे यांनी यावेळी केव्हीके मार्फत भविष्यात राबविण्यात येणाऱ्या विविध उपक्रमांची तसेच कृषी विद्यापीठामार्फत राबविण्यात येत असलेल्या उल्लेखनीय विस्तार कार्यक्रमांची माहिती दिली. .तसेच सर्व कृषी विज्ञान केंद्रांनी जास्तीत जास्त शेतकऱ्यांपर्यंत पोहचण्यासाठी नावीन्यपूर्ण विस्तार कार्यक्रमांचे आयोजन करावे असे ते म्हणाले. यावेळी सर्व मान्यवरांनी केव्हीके, छत्रपती संभाजीनगर-१ येथे असलेल्या विविध युनिटला भेट देऊन तेथील सर्व उत्पादनांची माहिती घेतली. प्रातिनिधिक स्वरूपामध्ये एक शेतकरी बांधव सय्यद वजीरोद्दिन काजी यांना जैविक द्रवरूप संघ देण्यात आले. यावेळी केव्हीकेचे सर्व विषय विशेषज्ञ, इतर अधिकारी व कर्मचारी यांची उपस्थिती होती..ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
