Nashik News : वाढत्या लोकसंख्येच्या अन्नाचा प्रश्न शेतकऱ्यांनी सोडविला आहे; परंतु उत्पादनात मोठ्या प्रमाणात वाढ होण्यासाठी रासायनिक खतांचा वापर केला जातो. यातून जमिनीवर दुष्परिणाम झाल्याचे दिसून येत आहे.
शाश्वत शेती आणि जमिनीचा पोत टिकवायचा असेल तर जैविक खते वापरणे आवश्यक आहे, असे प्रतिपादन कुंभारी (ता. निफाड) येथील युवा कृषी उद्योजक दीपक घंगाळे यांनी केले.
मराठा विद्या प्रसारक समाज संस्थेच्या पिंपळगाव बसवंत येथील कर्मवीर काकासाहेब वाघ महाविद्यालयातील वनस्पतीशास्त्र विभागाने आयोजित ‘जैविक खत निर्मिती’ या विषयावर एकदिवसीीय कार्यशाळा पार पडली. या वेळी प्रमुख व्याख्याते म्हणून घंगाळे बोलत होते.
या वेळी प्राचार्य डॉ. ज्ञानोबा ढगे, वनस्पती शास्त्र विभाग प्रमुख डॉ. सुलभा लालसरे, प्रा. डॉ. सचिन जाधव, प्रा. भगवान कडलग आदी उपस्थित होते.
घंगाळे म्हणाले, की रासायनिक खताच्या अतिवापरामुळे उत्पादित शेतीमालामध्ये विषारी घटकांचा अन्नसाखळीमध्ये समावेश होऊन मानवी आरोग्यावर विपरित परिणाम होऊन कर्करोगासारख्या जीवघेण्या आजारांचा सामना करावा लागत आहे. जैविक खत वापरामुळे जनतेला विषमुक्त अन्न धान्य, भाजीपाला मिळेल.
अध्यक्ष डॉ. ढगे यांनी मार्गदर्शन केले. प्रास्ताविक विभागप्रमुख डॉ. सुलभा लालसरे यांनी केले. पाहुण्यांचा परिचय समन्वयक डॉ. सचिन जाधव यांनी करून दिला. सूत्रसंचालन प्रा. निकिता जाधव यांनी केले. डॉ. राहुल गायखे यांनी आभार मानले.
ॲग्रोवनचे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.
ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.