Pune News: नागपूरमध्ये सुरू असलेल्या हिवाळी अधिवेशनाच्या दुसऱ्या दिवशी विरोधकांनी शेतकऱ्यांच्या प्रश्नांवरून सरकारवर जोरदार टीका केली. कापूस आणि सोयाबीनला योग्य दर न मिळाल्यामुळे हा मुद्दा विधानभवनाबाहेर आणि पायऱ्यांवर मोठ्या प्रमाणावर गाजला. गळ्यात कापसाच्या बोंडांच्या माळा घालून विरोधकांनी विधानभवनाच्या पायऱ्यांवर घोषणाबाजी करत सरकारविरोधात निषेध नोंदवला आणि शेतकऱ्यांसाठी तातडीने उपाययोजना करण्याची मागणी केली..शेतकऱ्यांसाठी कर्जमाफी आणि योग्य भावाची जोरदार मागणी…कर्जमाफी, कापूस व सोयाबीनला योग्य भाव मिळावा यासाठी विरोधकांनी जोरदार आंदोलन केले. “सरकार तुपाशी, शेतकरी उपाशी” अशा घोषणा देत त्यांनी महायुती सरकारवर केवळ घोषणा केल्याचा आरोप केला. शेतकऱ्यांच्या आत्महत्यांचाही मुद्दा यावेळी उपस्थित करण्यात आला..Nagpur Winter Session: विधीमंडळात हक्कभंग प्रस्ताव ! रोहित पवारांच्या कार्यकर्त्याविरोधात चौकशीचे आदेश .प्रमुख विरोधी नेत्यांची एकजूट…विरोधकांनी “हे फडणवीस नाही तर फसणवीस सरकार आहे” असा थेट आरोप करत सरकारच्या धोरणांवर आणि पॅकेजवर प्रश्नचिन्ह उपस्थित केले. ‘सोयाबीनला नाही भाव, सत्तेसाठी महायुतीची धावाधाव’, ‘कर्जबाजारी शेतकऱ्याला काहीच देत नाही’, ‘सरकार तुपाशी, शेतकरी उपाशी’ अशा घोषणांनी परिसर दणाणून गेला. विरोधी आमदारांनी बॅनर आणि घोषवाक्यांसह विधानभवनाकडे मोर्चा काढला होता..या आंदोलनात काँग्रेसचे नेते विजय वडेट्टीवार, राष्ट्रवादी काँग्रेस (शरद पवार गट)चे प्रदेशाध्यक्ष शशिकांत शिंदे, शिवसेना (उद्धव ठाकरे गट)चे आदित्य ठाकरे, भास्कर जाधव, सुनील प्रभू, सचिन अहिर, वरुण सरदेसाई, सतेज पाटील, अस्लम शेख यांच्यासह अनेक नेते सहभागी झाले होते..Nagpur Winter Session 2025 : नागपूरच्या हिवाळी अधिवेशनात कामकाजाच्या दिवसांवरून विरोधक आणि सत्ताधाऱ्यांमध्ये खडाजंगी; मुख्यमंत्री फडणवीसांचा पलटवार.दररोज आठ शेतकरी आत्महत्या…यावेळी बोलताना विजय वडेट्टीवार यांनी राज्यातील शेतकऱ्यांची परिस्थिती अत्यंत गंभीर असल्याचे सांगितले. “राज्यात दररोज आठ शेतकरी आत्महत्या करत आहेत, हे चिंताजनक आहे. महायुती सरकार फक्त घोषणा करते, प्रत्यक्षात शेतकऱ्यांसाठी काहीही करत नाही,” असा आरोप त्यांनी केला. कापसाच्या आयातीमुळे भाव घसरण्याची भीती व्यक्त करत, व्यापाऱ्यांच्या हाती कापूस कवडीमोल दरात जावा लागेल आणि त्यामुळे शेतकरी पुन्हा अडचणीत येईल, असेही ते म्हणाले..या आंदोलनामुळे अधिवेशनाच्या दुसऱ्या दिवशी राजकीय वातावरण चांगलेच तापले असून, पुढील काही दिवसांत शेतकरी प्रश्नांवरून सरकारला घेरले जाण्याची शक्यता व्यक्त केली जात आहे..ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
