Ahmednagar News : अहिल्यानगर जिल्हा मध्यवर्ती सहकारी बँकेच्या संचालक मंडळात शेवगावातून पहिल्यांदाच दोन महिलांची वर्णी लागण्याची शक्यता आहे. .जिल्हा मध्यवर्ती सहकारी बँकेच्या ११ जागा बिनविरोध आल्यानंतर १० जागांसाठी निवडणूक होत आहे. त्यात प्रामुख्याने शेवगाव तालुक्यातून जिल्हा परिषदेच्या माजी अध्यक्ष राजश्री घुले बिनविरोध निवडून आल्या आहेत. तर, तालुक्यातील शिवसेनेच्या नेत्या व माजी सभापती हर्षदा काकडे महिला राखीव मतदार संघातून लढत आहेत. त्यांना मिळणारा प्रतिसाद पाहता यंदा पहिल्यांदाच शेवगावातून दोन महिलांना जिल्हा बॅंकेत संधी मिळेल, अशी चर्चा राजकीय क्षेत्रात सुरु झाली आहे..Drought Relief : दुष्काळी उपाययोजनांची प्रभावी अंमलबजावणी करा; जिल्हाधिकारी योगेश कुंभेजकर यांचे कडक निर्देश .बॅंकेच्या संचालक मंडळाची निवडणूक होत आहे. अगदी राजकीय डावपेच खेळून बाळासाहेब थोरात-राधाकृष्ण विखे पाटील यांच्या पॅनलने बिनविरोधातच बाजी मारल्याचे दिसत आहे. जिल्हा बॅंकेच्या राजकारणात शेवगाव तालुक्याची भूमिका नेहमीच महत्त्वाची राहिली आहे..Hingoli Agriculture Crisis : हिंगोली जिल्ह्यात शेती वाचवा अभियान सुरू.जिल्हा बॅंकेचे तब्बल सहा वेळा अध्यक्ष पाहिलेले स्व. मारुतराव घुले पाटील यांनी बँकेच्या स्थापनेपासून जवळपास पस्तीस वर्ष प्रतिनिधित्व केले, तर चंद्रशेखर घुले यांनी एकदा अध्यक्षपदासह २००२ ते २०२६ असे चोवीस वर्ष प्रतिनिधित्व केले. १९६३ ते १९७२ या काळात शंकरराव पायघन व शाहूराव कापरे शेवगाव तालुक्यातून संचालक होते..शेवगाव तालुक्यातून माजी अध्यक्ष चंद्रशेखर घुले पाटील यांच्या पत्नी राजश्री घुले या सोसायटी मतदार संघातून संचालक म्हणून बिनविरोध निवडून आल्या. आता महिला राखीवमधून अहिल्यानगर जिल्हा लोकल बोर्डाचे माजी अध्यक्ष स्व. आबासाहेब काकडे यांच्या सून आणि जिल्हा परिषदेच्या माजी सभापती हर्षदा शिवाजीराव काकडे लढत आहेत. या मतदार संघात ३८०० मतदार आहेत. या मतदारसंघात सात महिला उमेदवार असल्या तरी हर्षदा काकडे यांना मिळणारा प्रतिसाद पाहता तालुक्यातून दोन महिलांना यंदा पहिल्यांदाच जिल्हा बॅंकेवर संधी मिळणार असल्याची जिल्ह्यात चर्चा सुरु आहे..ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
