Nanded News: केंद्र शासनाच्या किमान आधारभूत किंमत खरेदी अंतर्गत नाफेडच्या वतीने नांदेड जिल्ह्यात खरीप हंगाम २०२५-२६ मध्ये हमीभावाने मूग, उडीद, सोयाबीन खरेदीसाठी ३० ऑक्टोबरपासून ऑनलाइन पोर्टलवर नोंदणी करण्यासाठी एकूण १३ खरेदी केंद्रे निश्चित करण्यात आली आहेत. प्रत्यक्षात सोयाबीन खरेदी शनिवारपासून (ता. १५) सुरू होणार आहे, अशी माहिती जिल्हा पणन अधिकारी राजेश हेमके यांनी दिली. .नांदेड जिल्ह्यात यंदा महाराष्ट्र राज्य सहकारी पणन महासंघ, शेतकरी उत्पादक कंपनी तसेच कृषी उत्पन्न बाजार समितीच्या माध्यमातून शेतकऱ्यांचा शेतमाल खरेदी करण्यात येणार आहे. यात जिल्हा पणन अधिकारी कार्यालयातर्गत मंजूर खरेदी केंद्रावर खरेदीपूर्वी नोंदणीची प्रक्रिया सुरु झाली आहे..Soybean Market: लातूरमध्ये सोयाबीनची आवक मंदावली .या केंद्रावर शनिवारपासून (ता. १५) सुरू होणार आहे. यात मुखेड तालुका खरेदी- विक्री संघ मुखेड, हदगाव तालुका खरेदी विक्री संघ हदगाव, कुंडलवाडी विविध कार्यकारी सेवा सहकारी सोसायटी कुंडलवाडी, नांदेड जिल्हा फळे व भाजीपाला सहकारी संस्था (अर्धापूर), तालुका खरेदी विक्री संघ बिलोली (कासराळी),.Soybean Procurement: कोल्हापूर जिल्ह्यात सोयाबीन खरेदी नोंदणीसाठी तीन केंद्रे.पंडित दीनदयाल उपाध्याय अभिनव सहकारी संस्था देगलूर, बळिराम पाटील फळे व भाजीपाला सहकारी खरेदी विक्री संस्था (बेरळी), मुखेड फळे व भाजीपाला सहकारी खरेदी विक्री संस्था (उमरदरी), किनवट तालुका कृषिमाल प्रक्रिया सहकारी संस्था गणेशपूर (ता. किनवट), जय महाराष्ट्र शेतीमाल खरेदी विक्री सहकारी संस्था (कौठा), स्वामी विवेकानंद अभिनव सहकारी संस्था (शेळगाव थडी) ता. धर्माबाद, अष्टविनायक शेतीमाल खरेदी विक्री सहकारी संस्था मानवाडी फाटा (ता. हदगाव),.महात्मा बसवेश्वर ग्रामीण विकास मंडळ बापशेटवाडी (मुक्रामाबाद) या ठिकाणी मार्केटिंग फेडरेशन मार्फत मूग, उडीद, सोयाबीन ऑनलाइन शेतकरी नोंदणी सुरू झाली आहे. शेतकरी बांधवांनी ऑनलाइन नोंदणी करण्यासाठी चालू हंगामातील मूग, उडीद, सोयाबीन या पिकांचा ई- पीक पाहणी अहवाल नोंद असलेला सातबारा उतारा, आधारकार्ड व बँक पासबुक इत्यादी कागदपत्रे संबंधित तालुक्यातील खरेदी केंद्रावर देऊन नोंदणी करावी. ही नोंदणी ही ऑनलाइन पद्धतीने मशीनद्वारे करण्यात येणार असल्याने नोंदणीसाठी प्रत्यक्ष खरेदी केंद्रावर उपस्थित राहणे अनिवार्य आहे..ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
