Onion Market: शेतकऱ्यांनी रक्ताचे पाणी करून मोठ्या कष्टाने पिकविलेला कांदा कवडीमोल दराने विकावा लागत आहे. केंद्र सरकारच्या चुकीच्या धोरणामुळे कांदा उत्पादक शेतकरी उद्ध्वस्त झाला आहे. कांद्याला तीन हजार रुपये प्रति क्विंटल भाव मिळवून देण्यासाठी काँग्रेस पक्ष व महाविकास आघाडी संघर्ष करत राहील, असे काँग्रेस प्रदेशाध्यक्ष हर्षवर्धन सपकाळ म्हणाले..आंबेगाव तालुक्यातील मंचर येथील पुणे-नाशिक महामार्गावर मंगळवारी (ता. २) कांदा उत्पादकांच्या विविध मागण्यांसाठी महाविकास आघाडीच्या वतीने रास्ता रोको आंदोलन करण्यात आले. या वेळी पोलिसांकडून धरपकड सुरू असतानाही हजारो शेतकरी रस्त्यावर उतरले होते..Onion Farmer Protest : पुण्यात उद्या कांदा प्रश्नावर सर्वपक्षीय मोर्चा.या वेळी काँग्रेस प्रदेशाध्यक्ष सपकाळ, राष्ट्रवादी काँग्रेस (शरदचंद्र पवार) पक्षाचे प्रदेशाध्यक्ष शशिकांत शिंदे, आमदार रोहित पवार, खासदार नीलेश लंके, आमदार बापूसाहेब पठारे, शिवसेना उद्धव बाळासाहेब ठाकरे पक्षाचे आमदार बाबाजी काळे, माजी आमदार अशोक पवार, राष्ट्रवादी काँग्रेस (शरदचंद्र पवार) पक्षाचे पुणे जिल्हाध्यक्ष देवदत्त निकम यांच्यासह महाविकास आघाडीतील घटक पक्षांचे पदाधिकारी, कार्यकर्ते आणि शेतकरी मोठ्या संख्येने उपस्थित होते..Onion Export Policy: कांदा दर, निर्यातीबाबत शाश्वत धोरण ठरवावे : मंत्री छगन भुजबळ .कांद्याला ३ हजार रुपये हमीभाव मिळावा, कमी भावात विकलेल्या कांद्याला अनुदान द्यावे, शेतकऱ्यांचा सर्व कांदा ‘नाफेड’मार्फत खरेदी करून शेतकऱ्यांना न्याय द्यावा, अशा विविध मागण्या या वेळी आंदोलकांकडून करण्यात आल्या..आंदोलकांनी चर्चेला यावे : माजी मंत्री वळसे पाटीलराज्यातील कांदा उत्पादक शेतकऱ्यांच्या प्रश्नांबाबत केंद्र व राज्य सरकार सकारात्मक असून, आंदोलकर्त्यांनी आंदोलनाचा मार्ग सोडून चर्चेसाठी पुढे यावे, असे आवाहन राष्ट्रवादी काँग्रेस पक्षाचे ज्येष्ठ नेते दिलीप वळसे पाटील यांनी केले. रास्ता रोको आंदोलनाच्या पार्श्वभूमीवर आयोजित पत्रकार परिषदेत ते बोलत होते. शेतकऱ्यांच्या मागण्यांवर सकारात्मक चर्चा करून योग्य तो मार्ग काढण्यास आपण तयार असल्याचे त्यांनी सांगितले..ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
