Nagpur News: विषमुक्त अन्नानंतर आता जनावरांसाठीही रसायनमुक्त, नैसर्गिक पद्धतीने उत्पादित चाऱ्याचा पर्याय उपलब्ध करून देण्याच्या दिशेने पावले टाकली जात आहेत. राज्यपाल आचार्य देवव्रत यांच्या सूचनेनंतर महाराष्ट्र पशू व मत्स्य विज्ञान विद्यापीठाने (माफसू) त्यासाठी पुढाकार घेतला आहे. या माध्यमातून पशुपालनात रसायनांचा वापर टाळून जनावरांचे आरोग्य सुधारण्यासह उत्पादन खर्च कमी करण्याचा प्रयत्न केला जाणार आहे..चारा उत्पादनासाठी बिजामृत, घनामृत, घनजीवामृत यांसारख्या नैसर्गिक घटकांचा वापर केला जाणार आहे. या माध्यमातून उत्पादित होणाऱ्या चाऱ्याचा जनावरांच्या आरोग्यावर नेमका काय परिणाम होतो, दूध व मांस उत्पादनावर त्याचा कसा प्रभाव पडत,.Sugarcane Fodder: उसाचा चारा अनेक भागांत दुरापास्त.तसेच जनावरांच्या आजारपणाचे प्रमाण कमी होते का, याचाही शास्त्रीय अभ्यास केला जाणार आहे. त्याचबरोबर मातीच्या आरोग्यावर होणारा परिणाम, सेंद्रिय कर्बाचे प्रमाण, जमिनीची सुपीकता आणि सूक्ष्मजीवांची वाढ याबाबतही अभ्यासपूर्ण निष्कर्ष मांडले जाणार असल्याचे डॉ. पाटील यांनी स्पष्ट केले..रसायनांचा वापर टाळल्यामुळे चारा उत्पादनाचा खर्च लक्षणीयरीत्या कमी होईल, असा विद्यापीठाचा अंदाज आहे. सध्या रासायनिक खते, बियाणे आणि औषधांवर होणारा खर्च पशुपालकांसाठी मोठा आर्थिक भार ठरत आहे. नैसर्गिक पद्धतीने तयार होणारा चारा स्वस्त, सुरक्षित आणि पर्यावरणपूरक ठरेल, अशी अपेक्षा व्यक्त करण्यात येत आहे. याचा थेट फायदा लहान व मध्यम पशुपालकांना होणार आहे..Jowar Fodder: रब्बी पिकांचा चारा पुढील महिन्यात मिळणार.पहिल्या टप्प्यात नैसर्गिक चाऱ्याच्या उत्पादनावर भर दिला जाणार असून, त्यानंतर मिळणाऱ्या निष्कर्षांच्या आधारे शिफारशी तयार केल्या जातील. या शिफारशी राज्यातील पशुपालकांपर्यंत पोहोचवून नैसर्गिक चारा उत्पादनाचा विस्तार करण्याचा माफसूचा मानस आहे. भविष्यात या प्रयोगांचे मॉडेल विकसित करून विविध जिल्ह्यांतील प्रक्षेत्रांवरही त्याची अंमलबजावणी केली जाणार असल्याचे संकेत देण्यात आले आहेत..राज्यपाल आचार्य देवव्रत यांनी नैसर्गिक शेतीची संकल्पना मांडल्यानंतर विद्यापीठाद्वारे येत्या काळात प्रक्षेत्रावर विविध प्रयोग केले जातील. त्या आधारे शिफारशी देण्याचा प्रस्ताव आहे. पहिल्या टप्प्यात नैसर्गिक चाऱ्याच्या उत्पादनावर भर राहणार आहे.डॉ. नितीन पाटील, कुलगुरू, महाराष्ट्र पशू व मत्स्य विज्ञान विद्यापीठ.ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
