Urea Availability News: राज्यातील काही भागात युरिया आणि इतर खतांच्या खरेदीसाठी सातबारा मागितला जात असल्याची बाब समोर आली आहे. याची राज्य सरकारने गंभीर दखल घेतली आहे. युरिया खत खरेदीसाठी जर कुणी सातबारा मागत असेल तर ते चुकीचे आहे. याबाबत कारवाई केली जाईल, असा इशारा कृषिमंत्री दत्तात्रय भरणे यांनी दिला आहे. .अकोला जिल्ह्यात खत खरेदीसाठी शेतकऱ्यांना पहाटेपासून रांगेत उभे राहण्याची वेळ आली. कृषी सेवा केंद्रावर शेतकऱ्यांची मोठी झुंबड उडाल्याचे दिसून आले. या पार्श्वभूमीवर अकोला जिल्हा प्रशासनाने खत खरेदीसाठी शेतकऱ्यांची ओळख पटावी यासाठी ७/१२ उतारा आणि आधार कार्डची सक्ती केली होती. पण हा निर्णय मागे घेण्यात आला. .Global Urea Prices: युरियाचे जागतिक दर निम्म्यावर.''युद्धामुळे खत मिळणार नाही, अशी भीती शेतकऱ्यांमध्ये निर्माण झाली आहे. पण आपल्याकडे खतांची पुरेशी उपलब्धतता आहे. केंद्र सरकारने जे आपल्याला आवंटन मंजूर केले आहे; ते आपल्याला मिळाले तर अडचण येणार नाही. पण शेतकरी युरियाची मागणी अधिक करतात. त्यासाठी युरियाच्या बाबतीत थोडे दिवस बंधन आणणे गरजेचे आहे,'' असे मत कृषिमंत्र्यांनी व्यक्त केले आहे. .Urea Fertilizer Shortage: अकोटमध्ये युरियासाठी पुन्हा रांगा; मागणी कायम; खतसाठा शिल्लक असल्याचा प्रशासनाचा दावा.युद्धामुळे खतांच्या बाबतीत काही अडचणी निर्माण झाल्या आहेत. राज्याचे मुख्यमंत्री फडणवीस केंद्रीय मंत्र्यांशी याबाबत बोलत आहेत. आपल्याकडे आज युरिया, डीएपीचा बफर साठा आहे. यामुळे अडचण येणार नाही, असा दावा त्यांनी केला..'अॅग्रीस्टॅक नोंदणी- शेतकऱ्यांना अडचण येणार नाही'राज्य सरकारने कर्जमाफी योजनेचा लाभ घेण्यासाठी शेतकऱ्यांसाठी अॅग्रीस्टॅक नोंदणी बंधनकारक केली आहे. या पार्श्वभूमीवर बोलताना भरणे म्हणाले की, कोणताही शेतकरी यापासून वंचित राहणार नाही. शेतकरी 'अॅग्रीस्टॅक'शी जोडले जातील. अॅग्रीस्टॅक नोंदणीसाठी आम्ही शिबिरे आयोजित करु. शेतकऱ्यांना कोणतीही अडचण येणार नाही..खत खरेदीसाठी ऑनलाईन बुकिंगची सुविधा प्रायोगिक तत्त्वावर दोन जिल्ह्यांत राबवली जात आहे. यासाठी केंद्र सरकारचे अॅप आहे. त्यात काही दुरुस्ती करण्यासाठी प्रयत्न करु. शेतकऱ्याला अडचण येणार नाही याची काळजी घेऊ. खतांच्या बाबतीत काळाबाजार, साठेबाजी होऊ नये, यासाठी हे नवीन अॅप केंद्र सरकारने विकसित केले असल्याचे त्यांनी नमूद केले..ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.