Buldhana News: स्थानिक कृषी उत्पन्न बाजार समितीचे सभापती सुभाष पेसोडे यांच्याविरुद्ध अविश्वास ठराव मंजूर झाल्याने रिक्त झालेल्या या पदावर आता बुधवारी (ता.२६) नवीन सभापतीची निवड केली जाईल. यासाठी अधिसूचना सर्व संचालकांना पाठवण्यात आली आहे..दोन वर्षांपूर्वी झालेल्या खामगाव कृषी उत्पन्न बाजार समितीच्या निवडणुकीत काँग्रेस प्रणित पॅनेलने भाजप पुरस्कृत पॅनेलला धोबीपछाड देत एकहाती सत्ता मिळविली होती. त्यानंतर सभापतीपदी सुभाष पेसोडे, तर उपसभापतीपदी वंचित बहुजन आघाडीचे संचालक संघपाल जाधव यांची निवड करण्यात आली होती..Khamgaon Market Committee : खामगाव बाजार समिती सभापती चार संचालकासह राष्ट्रवादीमध्ये.दरम्यानच्या काळात खामगावच्या राजकारणात मोठे बदल झाले. त्यात काँग्रेसचे माजी आमदार दिलीपकुमार सानंदा यांनी काँग्रेसला सोडचिठ्ठी देत राष्ट्रवादी काँग्रेस (अजित पवार)मध्ये प्रवेश घेतला. त्यांच्यासोबत सभापती पेसोडे यांच्यासह बाजार समितीचे पाच संचालक देखील राष्ट्रवादीत गेल्यामुळे बाजार समिती राष्ट्रवादीच्या ताब्यात गेली होती..Tur Market : तूर मोजणीतील अनागोंदी: खामगाव बाजार समितीवर शेतकऱ्यांचा रोष.मात्र, राजकारणात आणखी एक नवीन ट्विस्ट येवून राष्ट्रवादीला सत्तेतून बाहेर ठेवण्यासाठी काँग्रेस, वंचित बहुजन आघाडी, राष्ट्रवादी काँग्रेस (शरद पवार) पक्ष व भाजपच्या संचालकांनी एकत्र येत सभापती विरुद्ध अविश्वास ठराव दाखल केला. शुक्रवारी (ता. १४) झालेल्या विशेष बैठकीत सभापतीविरुद्ध दाखल प्रस्तावाला १२ संचालकांनी पाठिंबा दिल्याने त्यांना पायउतार व्हावे लागले..आता नवीन सभापती निवडीसाठी २६ नोव्हेंबरला सकाळी ११ वाजता नामनिर्देशनपत्रांचे वितरण आणि स्वीकार करण्यात येईल.त्यानंतर सकाळी ११.३० वाजता प्राप्त अर्जांची छाननी केल्यानंतर नामनिर्देशन मागे घेण्याची अंतिम वेळ सकाळी ११.४५ वाजेपर्यंत ठेवण्यात आली आहे. दुपारी १२.१५ वाजता निवडणूक लढविणाऱ्या उमेदवारांची अंतिम यादी जाहीर केली जाईल. दुपारी १२.३० वाजता मतदानाची प्रक्रिया सुरू होऊन दुपारी १.४५ वाजता मतमोजणी करून तत्काळ निकाल जाहीर केला जाणार आहे. .ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
