Narayangaon News: जुन्नर कृषी उत्पन्न बाजार समितीच्या नारायणगाव येथील उपबाजारात सुरू केलेल्या नाफेड हमीभाव केंद्रात मागील दहा दिवसांत ७० टन सोयाबीनची प्रतिक्विंटल ५३२८ रुपये या हमीभावाने खरेदी केली आहे. या माध्यमातून ३७ लाख २९ हजार ६०० रुपयांची उलाढाल झाली आहे. .सोयाबीनचे पैसे पुढील दोन दिवसांत शेतकऱ्यांच्या बँक खात्यात जमा होतील. सोयाबीन खरेदी-विक्रीला शेतकऱ्यांकडून उत्स्फूर्त प्रतिसाद मिळाला आहे, अशी माहिती सभापती संजय काळे व उपसभापती एन. एम. काळे यांनी दिली..Soyabean Procurement : ई-समृद्धी पोर्टलवर सोयाबीनची हमीभाव केंद्रासाठी नोंदणी कशी करावी?.जुन्नर तालुक्यात यावर्षी सुमारे दहा हजार हेक्टर क्षेत्रात सोयाबीनची लागवड झाली होती. सोयाबीन काढणी व मळणी कालावधीत सप्टेंबर व ऑक्टोबर महिन्यात मुसळधार पाऊस झाल्याने सोयाबीनचे मोठ्या प्रमाणात नुकसान झाले होते. याचा परिणाम सोयाबीनच्या गुणवत्तेवर झाला आहे..Soyabean Procurement : आठवडे बाजारात सोयाबीनची आवक वाढली.दिवाळीत खासगी व्यापाऱ्यांनी प्रतवारीनुसार ३५ ते ४० रुपयांदरम्यान बाजारभाव देऊन सोयाबीनची खरेदी केली होती. त्यामुळे सोयाबीनला योग्य भाव मिळण्यासाठी बाजार समितीने ‘नाफेड’मार्फत सोयाबीनची खरेदी करावी, अशी मागणी जुन्नर तालुक्यातील शेतकऱ्यांची होती..त्यानुसार महाराष्ट्र राज्य कृषी पणन मंडळाची परवानगी मिळताच नारायणगाव उपबाजारात २८ नोव्हेंबरपासून नाफेड हमीभाव केंद्र सुरू करून सोयाबीनची खरेदी सुरू केली.शेतकऱ्यांची गैरसोय टाळण्यासाठी ऑनलाइन नोंदणीनंतर मोबाइलवर संबंधित शेतकऱ्याला मेसेज पाठवून सोयाबीन विक्रीसाठी घेऊन येण्यास सांगितले जाते..ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
