New Agricultural Policy Framework: बदलती कृषी व्यवस्था, शेतकऱ्यांच्या वाढत्या गरजा, कृषी योजनांचा विस्तार आणि आधुनिक तंत्रज्ञानाचा वाढता वापर लक्षात घेऊन राज्याच्या कृषी विभागाचा प्रस्तावित आकृतिबंध नव्याने तयार करावा. पुनर्रचना होईपर्यंत सध्याच्या प्रस्तावित आकृतिबंधाला स्थगिती द्यावी, अशी आग्रही मागणी आमदार रणधीर सावरकर यांनी मुख्यमंत्री देवेंद्र फडणवीस आणि कृषिमंत्री दत्तात्रय भरणे यांच्याकडे केली..यासंदर्भात गुरुवारी (ता. २०) मंत्रालयात कृषिमंत्री भरणे यांच्या कार्यालयात मंत्रालयीन अधिकाऱ्यांसोबत आमदार सावरकर यांची सविस्तर बैठक झाली. कृषी विभागाचा आकृतिबंध निश्चित करताना क्षेत्रीय कामाचा प्रत्यक्ष आवाका आणि पदांची वास्तविक गरज हा प्रमुख निकष असावा, अशी भूमिका त्यांनी मांडली. याबाबत २२ एप्रिल २०२५ रोजी मुख्यमंत्र्यांना पत्र दिले होते. मात्र, अद्याप अपेक्षित कार्यवाही न झाल्याबद्दल त्यांनी नाराजी व्यक्त केली..Agricultural Administration Changes: ‘कृषी’च्या आकृतिबंधात होणार बदल.पूर्वीच्या शासन निर्णयानुसार १,५०० हेक्टरमागे एक सहायक कृषी अधिकारी अशी पदसंख्या निश्चित होती. प्रस्तावित आकृतिबंधात मात्र १,५०० खातेदारांमागे एक सहायक कृषी अधिकारी अशी पद्धत सुचविण्यात आली आहे..Agriculture Officers Issue: आकृतिबंध रद्द न केल्यास कामबंद आंदोलन करू; कृषी अधिकारी संघटनांचा सरकारला इशारा.त्यामुळे विदर्भ, मराठवाडा आणि उत्तर महाराष्ट्रातील पदसंख्या घटण्याची शक्यता आहे. सर्वसाधारण क्षेत्रासाठी १,२०० हेक्टरमागे, तर डोंगराळ व अतिदुर्गम भागासाठी १,००० हेक्टरमागे एक सहायक कृषी अधिकारी निश्चित करावा. चार सहायक कृषी अधिकाऱ्यांमागे एक उपकृषी अधिकारी असावा, अशी मागणीही त्यांनी केली..सहायक कृषी अधिकाऱ्यांचे काम ग्रामपातळीवर असल्याने महसूल विभागाप्रमाणे कृषी क्षेत्राचे साजे निश्चित करून आकृतिबंध तयार करावा. जिल्हा अधीक्षक कृषी अधिकाऱ्यांशी चर्चा करून पदसंख्या निश्चित करावी, असेही त्यांनी सुचविले. ड्रोन, कृत्रिम बुद्धिमत्ता, पीक निरीक्षणासह आधुनिक तंत्रज्ञानाचा कृषी क्षेत्रातील वापर वाढत असल्याने भविष्यात क्षेत्रीय यंत्रणेची गरज कमी नव्हे,.तर वाढणार आहे. त्यामुळे क्षेत्रीय पदे कमी करण्याऐवजी वाढविणे आवश्यक असल्याचे सावरकर यांनी स्पष्ट केले. बैठकीस संबंधित अधिकारी उपस्थित होते..ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
