Farmer Agitation Over Onion Procurement: नाशिक जिल्ह्यातील उमराणा येथील ‘एनसीसीएफ’च्या कांदा खरेदी केंद्रावर मंगळवारी (ता. २८) मध्य प्रदेशातून गुणवत्ताहीन कांदा आणल्याच्या आरोपावरून गोंधळ उडाला. प्रहार शेतकरी संघटनेच्या कार्यकर्त्यांनी कांद्याच्या गोण्या भरलेले ट्रक अडवून आंदोलन केले. मात्र मध्य प्रदेशातून आलेले ट्रक आपल्या संस्थेशी संबंधित नसून गोदामात शेतकऱ्यांव्यतिरिक्त अन्य कोणाचाही कांदा स्वीकारला जात नसल्याचा दावा संबंधित खरेदीदार सहकारी संस्थेने केला आहे..केंद्र सरकारच्या ग्राहक व्यवहार विभागामार्फत किंमत स्थिरीकरण निधी योजनेंतर्गत एनसीसीएफ आणि नाफेडमार्फत स्थानिक शेतकऱ्यांकडून कांदा खरेदी करताना दर्जा, आकार आणि गुणवत्तेबाबत निकष निश्चित करण्यात आले होते..Onion Procurement Scam: कांदा खरेदीत घोटाळा?.त्यानुसार सुरुवातीला केवळ ‘ए-ग्रेड’ कांद्याची खरेदी केली जात होती. मात्र बाजारभाव आणि केंद्र सरकारने जाहीर केलेला खरेदी दर यामध्ये तफावत असल्याने खरेदीला अपेक्षित प्रतिसाद मिळाला नाही..त्यानंतर ‘ए-ग्रेड’च्या निकषांमध्ये शिथिलता आणून कमी दर्जाच्या ‘यूआरएस’ ग्रेडच्या कांद्यालाही खरेदीस मान्यता देण्यात आली. मात्र या निकषाच्या अंमलबजावणीत शेतकऱ्यांसाठी एक आणि खरेदीदार संस्थांसाठी दुसरा न्याय लावला जात असल्याचा आरोप ‘प्रहार’चे तालुकाध्यक्ष हरिसिंग ठोके यांनी केला..Onion Policy Impact : बदलत्या कांदा धोरणामुळे शेतकऱ्यांचे नुकसान.दरम्यान, संबंधित खरेदीदार सहकारी संस्थेने हे आरोप फेटाळले आहेत. संस्थेच्या गोदामात शेतकऱ्यांव्यतिरिक्त अन्य कोणाचाही कांदा स्वीकारला जात नसल्याचे संस्थेने स्पष्ट केले. तसेच मध्य प्रदेशातून आलेले ट्रक संस्थेशी संबंधित नसून, त्याबाबत वाहनचालकांकडूनही माहिती घेता येईल, असेही संस्थेने म्हटले आहे..या घटनेमुळे खरेदी केंद्र परिसरात तणावाचे वातावरण निर्माण झाले होते. शासकीय अधिकाऱ्यांनी घटनास्थळी येऊन प्रकरणाची शहानिशा करेपर्यंत आंदोलन सुरू ठेवण्याचा इशारा शेतकऱ्यांनी दिला होता. या संपूर्ण प्रकरणाची लोकप्रतिनिधींनी चौकशी करावी, अशी मागणी विकास देवरे, रत्नाकर देवरे, राजू जाधव आणि संदीप देवरे यांनी केली..ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
