Sustainable Farming: नैसर्गिक शेतीकडे शेतकऱ्यांचा कल वाढविण्यासाठी कृषी विभागाने शेतकरी शाळांचा प्रभावी उपक्रम हाती घेतला आहे. या शाळांच्या माध्यमातून शेतकऱ्यांचे गट तयार करून सामूहिक पद्धतीने प्रशिक्षण, मार्गदर्शन आणि प्रत्यक्ष प्रात्यक्षिकांद्वारे नैसर्गिक शेतीचा प्रसार करण्यावर विशेष भर दिला जाईल, असे मत जतचे उपविभागीय कृषी अधिकारी गणेश श्रीखंडे यांनी व्यक्त केले..सांगली जिल्ह्यातील जत येथे कृषी विभाग व कृषी तंत्रज्ञान व्यवस्थापन यंत्रणा (आत्मा) अंतर्गत उपविभागीय स्तरीय कार्यशाळा खरीप हंगाम २०२६ झाली. कार्यशाळेच्या अध्यक्षस्थानी उपविभागीय कृषी अधिकारी श्रीखंडे होते. या वेळी तालुका कृषी अधिकारी जत प्रदीप कदम, कवठेमंकाळ तालुका कृषी अधिकारी रमेश भंडारे, तालुका तंत्रज्ञान व्यवस्थापक रविकिरण पवार यांच्यासह दोन्ही तालुक्यांतील अधिकारी व कर्मचारी संख्येने उपस्थित होते..Natural Farming Training: ‘सिद्धगिरी’त कृषीसखींना नैसर्गिक शेतीचे प्रशिक्षण.कृषी विभाग आणि आत्मा यांच्या वतीने आयोजित या कार्यशाळेत मका, तूर, ऊस सुपर केन नर्सरी, नैसर्गिक शेती, बीज प्रक्रिया, माती नमुने संकलन तसेच हुमणी कीड नियंत्रणासाठी सापळे आदी विषयांवर सविस्तर मार्गदर्शन व प्रशिक्षण देण्यात आले. रासायनिक खतांचा संतुलित वापर आणि नैसर्गिक शेतीला चालना देण्यासाठी विशेष मोहीम राबविण्यात येत आहे. जमिनीचे आरोग्य टिकवणे, उत्पादन खर्च कमी करणे आणि अन्नसुरक्षा सुनिश्चित करणे हा या मोहिमेचा मुख्य उद्देश असल्याचे श्रीखंडे यांनी स्पष्ट केले..Natural Farming Training: ‘कृषी’च्या विद्यार्थ्यांना जैविक खते, नैसर्गिक निविष्ठा निर्मितीचे प्रशिक्षण.मृद आरोग्य पत्रिकेनुसार खतांचा वापर करून अनावश्यक रासायनिक खतांचा वापर टाळत किमान १० टक्के बचत करण्याचे उद्दिष्ट ठेवण्यात आले आहे. नॅनो युरिया व नॅनो डीएपीसारख्या आधुनिक खतांच्या वापरालाही प्रोत्साहन दिले जात आहे..आत्मा विभागामार्फत नैसर्गिक शेतीला चालना देण्यासाठी शेतावरच निविष्ठा तयार करण्यावर भर दिला जाणार आहे. तालुक्यात १० शेतीशाळा कार्यक्रम राबविण्यात येणार असल्याची माहिती तालुका तंत्रज्ञान व्यवस्थापक रविकिरण पवार यांनी दिली. जीवामृत, बीजामृत, दशपर्णी अर्क, निंबोळी पेंड, अग्निस्त्र आणि ब्रह्मास्त्र यांची प्रात्यक्षिकेही यावेळी करण्यात आली..ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
