Washim News: नैसर्गिक व गो-आधारित शेती ही पर्यावरणस्नेही, खर्च-कमी आणि शाश्वत उत्पादनाची प्रभावी दिशा, असल्याचे प्रतिपादन जिल्हाधिकारी योगेश कुंभेजकर यांनी केले. .भारताचे माजी पंतप्रधान (कै.) चौधरी चरणसिंग यांच्या जयंतीनिमित्त रिसोड तालुक्यातील मौजे बिबखेडा येथे किसान सन्मान दिवसानिमित्त गोकृपा-आधारित नैसर्गिक शेती चर्चासत्र व शिवार फेरीचे आयोजन करण्यात आले होते. या कार्यक्रमाचे उद्घाटन जिल्हाधिकारी कुंभेजकर यांच्या हस्ते झाले.या कार्यक्रमाच्या अध्यक्षस्थानी पोहरादेवी येथील भक्ती वेदांत मठाचे साहेबराव शास्त्री महाराज होते. .Natural Farming : २५ लाख हेक्टर क्षेत्र नैसर्गिक शेतीखाली आणण्याचे लक्ष्य; मुख्यमंत्री फडणवीस यांचे प्रतिपादन .यावेळी लभाणा समाज धर्मगुरू (तेलंगणा) सुरेश महाराज, केंद्रीय गोरक्षा समितीचे लक्षीनारायण चांडक, आंतरराष्ट्रीय सेंद्रिय निरीक्षक हर्षल जैन, तहसीलदार प्रतीक्षा तेजनकर, हरिभक्त परायण श्री. जायभाये महाराज, पोलिस निरीक्षक रामेश्वर चव्हाण, कृषी विज्ञान केंद्राचे प्रमुख डॉ. आर. एल. काळे, मंचकराव देशमुख, डाॅ. प्रशांत आटोळे, निवृत्ती पाटील, यांच्यासह अनेक मान्यवर उपस्थित होते..Natural Farming: नैसर्गिक शेतीसमोरील वास्तविक आव्हाने.मृदा आरोग्य, पाण्याची गुणवत्ता, जैवविविधतेचे संवर्धन आणि शेतकऱ्यांचे आर्थिक स्थैर्य साधण्यासाठी अशा शेती पद्धतींचा वैज्ञानिक आधारावर विस्तार होणे आवश्यक असल्याचे त्यांनी सांगितले. शेतकऱ्यांनी प्रात्यक्षिक-आधारित तंत्रज्ञान, प्रमाणीकरण आणि बाजार संलग्नतेचा लाभ घ्यावा, प्रशासनाकडून आवश्यक सहकार्य दिले जाईल, अशी ग्वाही कुंभेजकर यांनी दिली. .किसान सन्मान दिनानिमित्त पूजा देशमुख, लता देशमुख, ऊर्मिला देशमुख, निसार कुरेशी, नितीन घावडे, संतोष राऊत, संदीप बोरकर व दत्तराव बोरकर या प्रगतिशील शेतकऱ्यांचा मान्यवरांच्या हस्ते सन्मान करण्यात आला.तांत्रिक सत्राच्या प्रास्ताविकात सुशांत आटोळे यांनी रासायनिक शेती व गोकृपा-आधारित नैसर्गिक शेती पद्धतीतील तांत्रिक फरक, मृदा-सूक्ष्मजीवांची भूमिका, निविष्ठा स्वावलंबन व आर्थिक लाभ याबाबत अनुभव मांडले. .डॉ. काळे यांनी शेतकऱ्यांच्या सक्षमीकरणासाठी उपलब्ध आधुनिक व शाश्वत तंत्रज्ञानाचा प्रभावी वापर, शेतीला उद्योगाचा दर्जा देत व्यावसायिक दृष्टिकोनातून उत्पादन घेण्याचे आवाहन केले. उद्यानविद्या तज्ञ श्री. पाटील यांनी गोकृपा-आधारित नैसर्गिक शेतीचे तांत्रिक पैलू, गोकृपा अमृत तयार करण्याची शास्त्रीय पद्धत, पिकांतील वापरानंतर झालेली निविष्ठा बचत व उत्पादन गुणवत्ता सुधारणा याबाबत सविस्तर मार्गदर्शन केले. हर्षल जैन (नांदेड) यांनी सेंद्रिय शेती प्रमाणीकरणातील आवश्यक टप्पे, मानके, बाजार संधी व निर्यात क्षमता याविषयी मार्गदर्शन केले..ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
