Nashik News: वातावरणीय बदलाचा फटका आणि संततधार पावसामुळे यंदा गुलाबाच्या लागवडीचे नुकसान झाले. त्यामुळे उत्पादनात ६० टक्क्यांपर्यंत घट आहे. मात्र ‘व्हॅलेंटाइन डे’ आणि लग्नसराईमुळे बाजारात गुलाबाला विक्रमी मागणी आहे. मागणीच्या तुलनेत पुरवठा कमी असल्याने लाल फुलांना प्रति फूल सरासरी २० ते २५ रुपयांचा उच्चांकी दर मिळत आहे. .७ फेब्रुवारीपासून सुरू झालेला व्हॅलेंटाइन वीक’ आणि लग्नसराईमुळे स्थानिक बाजारासह परराज्यांतून मागणी वाढली आहे. मात्र मागणीच्या तुलनेत केवळ ३० ते ४० टक्केच माल बाजारात येत आहे. दर्जेदार फुलांचा तुटवडा असल्याने व्यापाऱ्यांमध्ये खरेदीसाठी चढाओढ असल्याने दर टिकून आहेत. नैसर्गिक आपत्तीमुळे नुकसान झाले; मात्र ज्या शेतकऱ्यांनी लागवडी वाचवल्या, त्यांना या तेजीचा काहीसा फायदा होत आहे..Rose Flower Demand : ‘व्हॅलेंटाइन डे’मुळे गुलाब फुलांना उठाव.लाल फुलांसह रंगीबेरंगी फुलांना मागणीलाल गडद रंग, लांब दांडी आणि हिरवी पाने असलेल्या ‘टॉप सिक्रेट’ व ‘बोर्डेक्स’ या वाणांना मोठी मागणी आहे. जिल्ह्यात तपोवन, मखमलाबाद, आडगाव तसेच दिंडोरी तालुक्यातील मोहाडी, जानोरी, आंबे व शिवनई परिसरातून काढणी सुरू आहे..येथून मुंबई, नागपूर, दिल्ली, भोपाळ, अहमदाबाद, सुरत आणि बडोदा येथे गुलाबाचा पुरवठा होत आहे. दर वर्षी शेतकरी दरवाढीच्या अपेक्षेने फुलांची काढणी करून शीतगृहात ठेवून मागणीनुसार पुरवठा करतात. यंदा मागणी वाढल्याने फुले शीतगृहात ठेवण्याची गरजच पडली नाही..Rose Farming: मावळच्या गुलाबाला परदेशात मागणी.लाल फुलांसह पिवळा ‘सोलर, सफेद ॲव्हालांचे, गुलाबी हॉटशॉट व रिवायवल आणि गुलाबी पांढरा ज्युमेलिया या वाणांच्या फुलांची काढणी झाल्यानंतर व्यापाऱ्यांच्या मागणीनुसार पॅकिंग करून फुले बॉक्समध्ये भरून विविध शहरांमध्ये पाठवली जात आहेत, असे मोहाडी (ता. दिंडोरी) येथील प्रगतिशील गुलाब उत्पादक शेतकरी जालिंदर गोवर्धने यांनी सांगितले..गेल्या चार वर्षांतील गुलाब दर (प्रति फूल/रुपये)वर्ष किमान कमाल सरासरी२०२३ ७ १३ १०२०२४ १० १८ १२२०२५ १२ २० १५२०२६ १६ २५ २०.बहुतांश फूल उत्पादकांचे उत्पादन घटले आहे. लग्नसराई व व्हॅलेंटाइन डे एकत्र आल्याने दर चांगले आहेत. उत्पादन कमी असले, तरी दरामुळे आर्थिक गणित जुळण्यास काहीशी मदत झाली आहे. - सचिन जेजुरकर, गुलाब उत्पादक, तपोवन शिवार, नाशिक.अति पावसाने प्लॉट खराब झाले असून, डाऊनी रोगामुळे प्रतवारीवर परिणाम आहे. तरीही उत्पादन कमी असल्याने यंदा खुल्या लागवडीतील फुलांनाही प्रति फूल १२ ते १५ रुपये दर मिळत आहेत. मागील वर्षी हेच दर ५ ते ७ रुपये असे होते. - सोनू काठे, फूल उत्पादक, मोहाडी, ता. दिंडोरी.ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
