Nandurbar News: खानदेशात यंदाही ऊस लागवड नंदुरबारमध्ये अधिक राहील. जिल्ह्यातील लागवड यंदा १६ ते १८ हजार हेक्टरपर्यंत होऊ शकते. त्यात शहादा तालुक्यातील लागवड आठ ते नऊ हजार हेक्टरपर्यंत राहील. खानदेशात पाऊसमान बरे आहे. ऊस लागवड मागील दोन-तीन हंगाम कमी झालेली नाही. .कापूस, पपई, केळी पिकात हानी होत आहे. यामुळे ऊस पीक कमी झालेले नाही. त्यात पाण्याची उपलब्धता पाहता बहुतांश बागायतदार शेतकऱ्यांनी पूर्वहंगामी व सुरू हंगामातील उसाची लागवड करण्यास पसंती दिली आहे. शहादा तालुक्यात सुमारे आठ ते नऊ हजार हेक्टरवर ऊस पीक असणार आहे. तर नंदुरबारमधील ऊस लागवड सुमारे १७ हजार हेक्टरवर पोहोचेल, असाही अंदाज आहे..Sugarcane Cultivation : उसाची लागण करताना शेतकऱ्यांनी लक्षात ठेवाव्या 'या' गोष्टी.बेण्यासाठी मध्य प्रदेशला पसंतीनंदुरबारमधील अनेक शेतकरी नजीकच्या मध्य प्रदेश, गुजरातमधून ऊस बेणे किंवा बियाणे आणत आहेत. तसेच तेथील रोपवाटिकांतून ऊस रोपे खरेदीवरही शेतकऱ्यांचा भर आहे. तसेच स्थानिक भागातील काही शेतकऱ्यांकडील दर्जेदार ऊस पिकातील बेणेही घेण्यासंबंधी शेतकरी नियोजन करीत आहेत. खानदेशात जळगाव जिल्ह्यात सुमारे १२ ते १४ हजार हेक्टरवर ऊस पीक असेल..शहाद्याची आघाडीखानदेशात सर्वाधिक ऊस लागवड करणारा तालुका म्हणून शहादा तालुका दोन-तीन हंगाम पुढे आहे. शहादा तालुक्यात मध्यंतरी ऊस पीक क्षेत्र चार ते सहा हजार हेक्टरदरम्यान होते. शेतीमालास खर्चाच्या तुलनेने मिळणारे कवडीमोल दर, मजूरटंचाई, केळी, पपई, कलिंगड, टोमॅटो, कापूस पिकातील जोखीम, तोटा व वाढता खर्च यामुळे अनेक शेतकरी अलीकडे ऊस लागवडीला पसंती देत आहेत..Sugarcane Cultivation: परभणी जिल्ह्यात ऊस लागवडीत ७ हजार ८०९ हेक्टरने वाढ.कमी खर्चिक पीकउसाला मजुरी खर्च काहीसा कमी आहे. कीटकनाशकांची फवारणीही फारशी करावी लागत नसल्याने अनेक शेतकरी ऊस लागवडीस पसंती देत आहेत. ज्या शेतकऱ्यांकडे मुबलक पाणी आहे ते शेतकरी ऊस लागवडीकडे वळत आहेत. लागवडीसाठी सुधारित जातीचे ऊस बियाणे शेतकऱ्यांना रोपवाटिकाचालक व काही कारखान्यांनी उपलब्ध करून दिले आहे..सर्वाधिक कारखानेही नंदुरबारमध्येतसेच नंदुरबारलगत गुजरात व मध्य प्रदेशातील कारखानेही ऊस खरेदी करतात. तसेच नंदुरबार जिल्ह्यात तीन कारखाने गतीने ऊस तोड करतात. यामुळे ऊस तोडणीसंबधी अडचणीही कमी असतात. अलीकडे तळोदा, शहादा, नवापूर भागांत पाणी मुबलक आहे. केळी, पपई, ऊस, कापूस आदी पिकांसह विविध कडधान्यांचे उत्पादन घेण्यातही शहादा आघाडीवर आहे. पण काही वर्षांपासून मजुरांची टंचाई असते. कारखानदारांकडून उसाला अजूनही कमी दर दिला जातो. पण कमी जोखीम व मजुरांची समस्या कमी यामुळे शेतकरी ऊस पीक कमी करण्यास तयार नाहीत. नजीक तळोदा, नवापुरातही ऊस पीक वाढत आहे, अशी माहिती मिळाली..ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
