Washim News: स्थानिक कृषी विज्ञान केंद्रातंर्गत उद्यानविद्या विभागाच्या पुढाकाराने सन २०२५ मध्ये नंधाना हे दत्तक गाव म्हणून निवडण्यात आले आहे. कोरडवाहू स्वरूपाचे गाव असून येथे ओलिताच्या पाण्याची व्यवस्था अत्यंत मर्यादित आहे..उपलब्ध जलस्रोतांचा व नैसर्गिक संसाधनांचा आर्थिकदृष्ट्या परवडणारा, कार्यक्षम व शाश्वत उपयोग करून शेतकऱ्यांचे उत्पन्न वाढविण्याच्या दृष्टीने योग्य पीक पद्धती व तंत्रज्ञान अवलंबण्याचा निर्णय घेण्यात आला. आता हे गाव नैसर्गिक व विषमुक्त शेतीच्या माध्यमातून शाश्वत उत्पादनाकडे वाटचाल करू लागले आहे..Natural Farming: नैसर्गिक शेती की संसाधनांचे केंद्रीकरण.उद्यानविद्या तज्ञ निवृत्ती पाटील यांच्या तांत्रिक मार्गदर्शनाखाली शेतकरी रमेश बोरकर, सुधाकर बोरकर, प्रमोद बोरकर आदी प्रगतशील शेतकऱ्यांनी पुढाकार घेत गावातील शेतकऱ्यांच्या सहकार्याने नियोजनबद्ध अंमलबजावणीस सुरुवात केली. यामध्ये पिकांतील विविधता व पीक बदल पद्धती अंतर्गत पावसाळी कांदा, हळद, कांदा बीजोत्पादन, सिताफळ, संत्रा, आंबा इत्यादी पिकांची लागवड करण्यात आली..Natural Farming: पक्षी थांबे- सोपा आणि स्वस्त कीड नियंत्रणाचा उपाय .या अनुषंगाने मंगळवारी (ता.२७) नंधाना येथे पाटील यांच्या मार्गदर्शनाखाली शिवार फेरी व तांत्रिक चर्चासत्र झाले. यावेळी बोलताना श्री. पाटील यांनी उच्चांकी व दर्जेदार उत्पादनासाठी जमिनीत पुरेसा सेंद्रिय कर्ब तसेच सक्रिय सूक्ष्मजिवाणूंची योग्य संख्या असणे अत्यंत आवश्यक आहे, असे सांगितले..कार्यक्रमाचे सूत्रसंचालन रमेश बोरकर यांनी केले तर आभार सुधाकर बोरकर यांनी मानले. कार्यक्रमासाठी प्रमोद बोरकर, संदीप बोरकर, संदीप चव्हाण, दत्तराव बोरकर, संदीप पवार, सुरेश वानखडे व इतर शेतकऱ्यांनी पुढाकार घेतला..ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
