Nanded News: राज्य शासनाच्या कृषी विभाग व आत्माच्या संयुक्त विद्यमाने जिल्हा कृषी व धान्य महोत्सव २०२६ चे आयोजन करण्यात आले आहे. नवा मोंढा भागातील कृषी उत्पन्न बाजार समितीच्या मैदानात १५ ते १७ मार्च या तीन दिवसांत हा महोत्सव सकाळी १० ते सायंकाळी ८ वाजेपर्यंत होणार आहे. यात शहरातील नागरिकांनी शेतीमालाची खरेदी करून जिल्ह्यातील शेतकऱ्यांना प्रोत्साहन द्यावे, असे आवाहन जिल्हाधिकारी राहुल कर्डिले, जिल्हा अधीक्षक कृषी अधिकारी दत्तकुमार कळसाईत यांनी केले आहे. .जिल्हा कृषी व धान्य महोत्सवात कृषी प्रदर्शन, कृषी विज्ञान केंद्र व कृषी विद्यापीठांचे स्टॉल, विविध कृषी तंत्रज्ञानाचे प्रात्यक्षिक तसेच कृषी संलग्न शासकीय विभागांचे स्टॉल असे १०० स्टॉल उभारण्यात येणार आहेत..Krushirang 2026 Event: डी. वाय. पाटील ॲग्रीमध्ये ‘कृषिरंग २०२६’ उत्साहात साजरा.तसेच विविध विषयांवर शेतकरी-शास्त्रज्ञ परिसंवाद, चर्चासत्र, उत्पादक ते ग्राहक थेट विक्री, कृषी मालाचे प्रदर्शन आणि खरेदीदार-विक्रेता संमेलन आयोजित करण्यात येणार आहे. या महोत्सवात जिल्ह्यातील शेतकरी गट, शेतकरी उत्पादक कंपन्या तसेच महिला आर्थिक विकास महामंडळाच्या महिला बचत गटांचा सक्रिय सहभाग राहणार आहे..Organic Vegetable Festival: कोल्हापुरात सेंद्रिय भाजीपाला महोत्सव.महोत्सवात शेतकऱ्यांनी उत्पादित केलेला गहू, ज्वारी, तांदूळ, तूर, मूग, उडीद, चणाडाळ, हळद, मिरची, मसाले तसेच सेंद्रिय उत्पादने (गूळ, हळद पावडर, सेंद्रिय डाळी) विक्रीसाठी उपलब्ध असतील. याशिवाय मध, गुळाचा पाक, चटणी, लोणचे, पापड, कुरडई, टरबूज, खरबूज, विविध फळे व भाजीपाला यांची थेट विक्री होणार आहे. तसेच जात्यावर दळलेली सेंद्रिय डाळ, गोदाकाठची ज्वारी, सेंद्रिय भाज्या,.रानफळे, लाकडी घाण्यावर तयार केलेले करडई, भुईमूग, जवस व तिळाचे तेल, बांबूपासून तयार वस्तू, केळीचे वेफर्स यांचे प्रदर्शन व विक्रीही करण्यात येणार आहे. या महोत्सवाला शहर व जिल्ह्यातील शेतकरी आणि नागरिकांनी मोठ्या संख्येने भेट द्यावी, असे आवाहन जिल्हाधिकारी राहुल कर्डिले यांच्यासह जिल्हा अधीक्षक कृषी अधिकारी तथा आत्माचे प्रकल्प संचालक दत्तकुमार कळसाईत यांनी केले आहे..ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.