Student Education: नांदेड जिल्ह्यात निर्माण झालेल्या दुष्काळसदृश परिस्थितीमुळे शेतकरी आणि शेतमजूर कुटुंबांसमोर अडचणींचा सामना करावा लागत आहे. या पार्श्वभूमीवर विद्यार्थ्यांचे शिक्षण थांबू नये, यासाठी जिल्ह्यातील खासगी शिकवणी वर्ग, स्पर्धा परीक्षा मार्गदर्शन केंद्रे आणि शैक्षणिक संस्थांनी शेतकरी व शेतमजूर कुटुंबांतील विद्यार्थ्यांकडून शुल्क वसुलीसाठी सक्ती करू नये, असे आवाहन जिल्हा प्रशासनाच्या वतीने करण्यात आले आहे..जिल्हा प्रशासनाने म्हटले की, दुष्काळी परिस्थितीचा सर्वाधिक फटका ग्रामीण भागातील शेतकरी आणि शेतमजूर कुटुंबांना बसत आहे. खरीप हंगामातील पिकांचे नुकसान, शेतीवरील वाढता खर्च आणि रोजगाराच्या मर्यादित संधी यामुळे कुटुंबांना आर्थिक अडचणींना सामोरे जावे लागत आहे. अशा परिस्थितीत मुलांच्या शाळा-महाविद्यालयांचे शुल्क, खासगी शिकवणीचे शुल्क, स्पर्धा परीक्षांच्या तयारीसाठी लागणारा खर्च आणि शैक्षणिक साहित्याचा खर्च भागविणे पालकांसाठी आव्हानात्मक ठरत आहे. .Exam Fee Waiver: राज्यातील दुष्काळग्रस्त तालुक्यांतील २ लाख ४० हजार विद्यार्थ्यांचे परीक्षा शुल्क माफ; ‘झिरो चलन’ सुविधेतून अर्ज दाखल.आर्थिक अडचणींचा परिणाम विद्यार्थ्यांच्या शिक्षणावर होऊ नये, यासाठी शैक्षणिक संस्थांनी संवेदनशील भूमिका घेण्याची गरज आहे. शेतकरी आणि शेतमजूर कुटुंबांतील विद्यार्थ्यांकडून शुल्क भरण्यासाठी वारंवार तगादा लावू नये. शुल्क भरता आले नाही म्हणून विद्यार्थ्यांना मानसिक त्रास होईल, त्यांच्यात न्यूनगंड निर्माण होईल किंवा त्यांना वर्गापासून दूर राहावे लागेल, असे कोणतेही वर्तन टाळावे, असे आवाहन प्रशासनाने केले आहे..Veterinary College Fee: पशुवैद्यकीय प्रवेश शुल्क तिढ्यात रखडले.पालकांची आर्थिक परिस्थिती लक्षात घेऊन शुल्क भरण्यासाठी मुदतवाढ देणे, एकरकमी शुल्काऐवजी टप्प्याटप्प्याने शुल्क स्वीकारणे आणि शक्य असेल तेथे शुल्कात सवलत देणे, अशा पर्यायांचा विचार करावा. आर्थिक अडचणींमुळे विद्यार्थ्यांची तयारी खंडित होणार नाही, याकडे संस्थाचालकांनी लक्ष देणे आवश्यक आहे. आर्थिक परिस्थितीमुळे विद्यार्थ्यांना शिक्षण सोडावे लागणे किंवा त्यांना शैक्षणिक सुविधांपासून वंचित राहावे लागणे ही चिंतेची बाब आहे..त्यामुळे अशा परिस्थितीत शैक्षणिक संस्था, शिक्षक, खासगी शिकवणी वर्गांचे संचालक आणि पालक यांनी समन्वयाने काम करण्याची गरज आहे. शिक्षण हे विद्यार्थ्यांच्या भविष्यासाठी महत्त्वाचे साधन आहे. आजच्या संकटामुळे विद्यार्थ्यांच्या शैक्षणिक प्रगतीत अडथळा निर्माण होऊ नये, यासाठी संस्थांनी सामाजिक बांधिलकी जपावी. आर्थिक अडचणीत असलेल्या विद्यार्थ्यांना सहकार्य करून त्यांचे शिक्षण सुरळीत सुरू राहील, यासाठी प्रयत्न करावेत, असे जिल्हा प्रशासनाने म्हटले आहे..ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
