Ahilyanagar News: हिवरेबाजार (ता. अहिल्यानगर) व दैठणे गुंजाळ (ता. पारनेर) येथे बारा दिवसांत अज्ञात आजारामुळे सुमारे २१ गाईं दगावल्या आहेत. तर २५ गाई बाधित झाल्या आहेत. या आजारात अचानक गाईंच्या संवेदना कमी होऊन त्या खाली बसल्यानंतर त्या दगावत आहेत. या गाई वेगवेगळ्या गोठ्यांतील आहेत. रक्तनमुन्यांची तपासणी करूनही कारण न सापडल्याने मंगळवारी (ता. २४) सायंकाळी पुण्यातील पशुवैद्यक पथकाने पाहणी केली. .तसेच पुन्हा पंचवीस रक्त नमुने व १५ चाऱ्यांचे नमुने नेण्यात आले. मृत गाईंचे शवविच्छेदन केलेल्या काही भागांचेही नमुने नेले असल्याचे सांगण्यात आले. दरम्यान, या प्रकाराने पशुपालक धास्तावले आहेत. दैठणे गुंजाळ व हिवरेबाजार परिसरात दूध उत्पादक शेतकऱ्यांची संख्या मोठी आहे. येथे गेल्या बारा दिवसांपासून अज्ञात आजाराने शेतकऱ्यांच्या गोठ्यांतील गाई दगावत आहेत..Nagar Cow Death : संकट येतात, जिद्दीने काम सुरू ठेवा, पाठीशी आहोत.हा प्रकार दिसून आल्यानंतर सुरुवातीला अहिल्यानगरच्या पशुसंवर्धन विभागाने उपचार केले. याचे नेमके कारण जाणून घेण्यासाठी रक्त नमुने पाठविण्यात आले. विषबाधेसह नियमित आजाराची तपासणी केली, परंतु त्यात गाईंच्या दगावण्याचे कारण समजले नाही..गाई दगावण्याचे प्रकार सुरूच असल्याने मंगळवारी सायंकाळी पुणे येथील पशुरोग निदान केंद्राचे सहआयुक्त डॉ. वाय. ए. पठाण, उपआयुक्त डॉ. सुनील लहाने, जिल्हा पशुसंवर्धनचे उपायुक्त उमेश पाटील यांच्या पथकाने पाहणी करून आजाराची लागण झालेल्या जनावरांची तपासणी केली, तसेच त्यांनी मृत गाईंचे शवविच्छेदन करून त्यांच्या रक्ताचे व मेंदूचे सॅम्पल तपासणीसाठी बरोबर नेले आहेत. दरम्यान, बारा दिवसांत हिवरेबाजारमध्ये ६ व दैठणे गुंजाळमध्ये १५ अशा २१ गाई दगावल्या आहेत..Nagar Cow Death : लोहगाव येथील गायींच्या मृत्यू प्रकरणाची चौकशी करा.या जनावरांना चाराही वेगवेगळ्या भागांतील असल्याने अज्ञान आजार कळत नसल्याने पशुसंवर्धन विभागही हतबल झाला आहे. तपासणीसाठी नेलेल्या नमुन्याचा अहवाल आल्याशिवाय नेमके कारण कळणार नाही. गुरुवारपर्यंत (ता. २६) अहवाल येणे अपेक्षित असल्याचे सांगण्यात आले..दैठणे गुंजाळ, हिवरेबाजारमध्ये गाईंचा मृत्यूचे प्रकार थांबवण्यासाठी दैठणे गुंजाळमध्ये दोन व हिवरेबाजारमध्ये एक असे तीन पथके काम करत आहेत. पशुविभागाचे अधिकारी, कर्मचारी मिळून पंधरा लोक परिस्थितीवर लक्ष ठेवून आहेत. उपचार करीत आहेत. नमुन्याचा अहवाल आल्यानंतर कारण स्पष्ट होईल. लोकांनी न घाबरून न जाता पशुसंवर्धनाच्या आरोग्य पथकाला कळवावे.- डॉ. उमेश पाटील, उपायुक्त पशुसंवर्धन विभाग, अहिल्यानगर.ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
