MSRTC Employees News: राज्यातील महाराष्ट्र राज्य मार्ग परिवहन महामंडळाच्या (एसटी) कर्मचाऱ्यांना दिवाळी निमित्त १० हजार रुपये बोनस देण्याचा निर्णय घेण्यात आला आहे. त्याचबरोबर त्यांना अॅडव्हान्स १२,५०० रुपये घेता येतील, अशी घोषणा परिवहन मंत्री तथा एसटी महामंडळाचे अध्यक्ष प्रताप सरनाईक यांनी आज (दि. ५ नोव्हेंबर) केली. .सुमारे ८३ हजार एसटी कर्मचारी आहेत. त्यांचा महागाई भत्ता ५८ टक्क्यांवरून वाढवून ६० टक्के केला आहे. यामुळे एसटी प्रशासनावर १६० कोटी रुपयांचा अतिरिक्त भार पडणार आहे. तरीही एसटी कर्मचाऱ्यांनी दिवाळी आनंदात साजरी करावी, यासाठी हा निर्णय घेण्यात आला आहे, असे सरनाईक यांनी सांगितले. एसटी महामंडळातील विविध कर्मचारी संघटनांच्या प्रतिनिधींसोबत झालेल्या बैठकीत हा निर्णय जाहीर करण्यात आला. महामंडळ आर्थिक अडचणींचा सामना करत असतानाही कर्मचाऱ्यांच्या दिवाळीचा आनंद हिरावून घेता येणार नाही, अशी भूमिका मंत्री सरनाईक यांनी यावेळी मांडली..Maharashtra ST Corporation: ‘लालपरी’ला हवे सरकारी आर्थिक इंधन!.गेल्या वर्षी एसटी कर्मचाऱ्यांना ६ हजार रुपये बोनस दिला होता. यंदा त्यात ४ हजार रुपयांची वाढ करण्यात आली आहे. यामुळे त्यांना आता १० हजार रुपयांचा बोनस मिळणार आहे. वाढती महागाई आणि दुष्काळी परिस्थितीमुळे एसटीची दिवाळीतील १५ टक्के हंगामी भाडेवाढही रद्द करण्याचा निर्णय याआधी घेतला आहे..ST Bus Fare: 'एसटी'ची १५ टक्के हंगामी भाडेवाढ रद्द, सर्वसामान्य प्रवाशांना मोठा दिलासा.राज्य शासनाने एसटी महामंडळाला सप्टेंबर २०२६ मधील प्रवासी सवलतींच्या प्रतिपूर्तीपोटी ३९१.०२ कोटींचा निधी वितरित करण्यास नुकतीच मंजुरी दिली. एसटी महामंडळातील सुमारे ८३ हजार अधिकारी व कर्मचाऱ्यांचे वेतन साधारणतः दर महिन्याच्या ७ ते १० तारखेदरम्यान अदा केले जाते. कर्मचाऱ्यांना सणापूर्वीच वेतन मिळावे, यासाठी मंत्री सरनाईक यांनी एसटी प्रशासनाला तातडीने कार्यवाही करण्याचे निर्देश दिले आहेत..कर्मचाऱ्यांच्या सणाच्या आनंदावर आर्थिक अडचणींचे सावट पडू नये, यासाठी शासन आणि एसटी प्रशासनाने समन्वयाने कार्यवाही करावी, असेही त्यांनी सूचित केले होते. एसटी ही केवळ परिवहन सेवा नसून महाराष्ट्रातील लाखो नागरिकांच्या जीवनाचा अविभाज्य भाग आहे. या सेवेला अहोरात्र कार्यरत ठेवणारे अधिकारी आणि कर्मचारी हे महामंडळाचे खरे बळ आहेत. त्यांच्या कुटुंबीयांनाही दिवाळीचा सण आनंदाने साजरा करता यावा, ही आमची भूमिका आहे. एसटी कर्मचान्यांना दिवाळीपूर्वी वेतन मिळावे, यासाठी दिलेला शब्द पाळण्याच्या दिशेने शासनाने महत्त्वपूर्ण निर्णय घेतला, असेही त्यांनी याआधी सांगितले होते. .ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
