Government Recruitment: महाराष्ट्र लोकसेवा आयोगाच्या (एमपीएससी) परीक्षांमधील कथित गैरप्रकार, पेपरफुटी, रखडलेल्या भरती प्रक्रिया आणि ७० हजारांहून अधिक रिक्त पदांच्या भरतीच्या मागणीसाठी विद्यार्थ्यांचे आंदोलन आठव्या दिवशी गुरुवारी (ता. ८) सुरूच होते. ‘एमपीएससी’च्या अध्यक्षांच्या राजीनाम्यावर विद्यार्थी ठाम आहेत. दरम्यान या आंदोलनाला लोकसभेतील विरोधी पक्षनेते राहुल गांधी यांनी उघड पाठिंबा दिल्यानंतर विद्यार्थ्यांमध्ये नवचैतन्य निर्माण झाले असून आंदोलनाला नवी ताकद प्राप्त झाली आहे..राहुल गांधी यांनी या बाबत सोशल मीडिया प्लॅटफॉर्म ‘एक्स’ वरून विद्यार्थ्यांच्या आंदोलनाला पाठिंबा दिला आहे. या आंदोलनाच्या समर्थनार्थ काँग्रेसचे प्रदेशाध्यक्ष हर्षवर्धन सपकाळ, ज्येष्ठ नेते बाळासाहेब थोरात, युवा नेते विश्वजित कदम तसेच युवक काँग्रेस आणि ‘एनएसयूआय’चे पदाधिकारी व कार्यकर्ते मोठ्या संख्येने मैदानात उतरले आहेत. विविध स्तरांवरून मिळणाऱ्या या पाठिंब्यामुळे आंदोलन राज्यव्यापी चर्चेचा विषय बनले आहे..MPSC Student Protest : ‘‘एमपीएससी’च्या परीक्षेत ‘कृषी’च्या पदांचा समावेश होईपर्यंत आंदोलन’’.विद्यार्थ्यांच्या या आंदोलनाला नुकतीच खासदार प्रणिती शिंदे, सुजात आंबेडकर, नेहा राठोड, अतुल लोंढे, नीतेश कराळे, प्रा. दीपक पवार, सुनील केदार, आमदार जयंत आसगावकर यांनी भेट देऊन पाठिंबा दिला..MPSC Student Protest Pune : ...अखेर एमीपीएसने संयुक्त पूर्व परीक्षा पुढे ढकलली; विद्यार्थ्यांच्या लढ्याला यश .विद्यार्थी नेत्यांनी स्पष्ट केले आहे, की ‘एमपीएससी’च्या सचिवांची बदली हा संघर्षाचा एक टप्पा असला तरी आयोगाचे अध्यक्ष विवेक भीमनवार यांच्या राजीनाम्याशिवाय आंदोलन मागे घेतले जाणार नाही. विद्यार्थ्यांच्या भविष्याशी खेळ करणाऱ्यांना जबाबदार धरल्याशिवाय आम्ही शांत बसणार नाही, अशी भूमिका आंदोलनकर्त्यांनी घेतली आहे..राज्यातील लाखो स्पर्धा परीक्षा विद्यार्थ्यांच्या अपेक्षा या आंदोलनाशी जोडल्या गेल्या असून राहुल गांधींसह काँग्रेस नेतृत्वाच्या सक्रिय सहभागामुळे या लढ्याला नवे राजकीय, सामाजिक बळ मिळाल्याचे चित्र दिसत आहे. आंदोलन आता विद्यार्थ्यांचे न राहता रोजगार, पारदर्शकता आणि उत्तरदायित्वासाठीचा व्यापक संघर्ष बनत असल्याची भावना आंदोलनकर्त्यांनी व्यक्त केली आहे..विद्यार्थ्यांच्या मागण्या...‘एमपीएससी’चे अध्यक्ष विवेक भीमनवार यांचा तातडीने राजीनामा घेण्यात यावा.नवीन अध्यक्षांची नेमणूक करताना पारदर्शकता पाळून विद्यार्थ्यांना विश्वासात घेऊन स्वच्छ प्रतिमेच्या व्यक्तीचीच निवड केली जावी७० हजार जागांची मेगा भरती त्वरित लागू करावी.‘एमपीएससी’च्या सर्व परीक्षा पूर्वीप्रमाणे ऑफलाईन पद्धतीनेच घेण्यात याव्यातविविध परीक्षांच्या चौकशीसाठी नेमलेल्या एसआयटीने (एसएयटी) निष्पक्षपातीपणे तपास करावा.राजस्थान सरकारच्या धर्तीवर अवघ्या १०० रुपयांच्या कार्डवर वर्षभरातील सर्व परीक्षा देण्याची सुविधा विद्यार्थ्यांना उपलब्ध करून द्यावी..ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
