Monsoon Rain: पुणे जिल्ह्यात दोन दिवस झालेल्या मॉन्सूनच्या पावसामुळे धूळवाफ्यावरील भात रोपवाटिकांना अखेर मोठा दिलासा मिळाला आहे. उष्णतेच्या तडाख्यामुळे संकटात सापडलेल्या रोपवाटिकांना नवसंजीवनी मिळाल्याने भात उत्पादक शेतकऱ्यांमध्ये समाधानाचे वातावरण आहे. त्यामुळे भात लावणीच्या कामांना वेग येण्याची शक्यता व्यक्त होत आहे..जिल्ह्यात खरीप हंगामात कृषी विभागाने ६० हजार १२० हेक्टर क्षेत्रावर भात लागवडीचे नियोजन केले आहे. भोर, राजगड, मावळ, मुळशी, खेड, जुन्नर आणि आंबेगाव तालुक्यांतील शेतकऱ्यांनी मॉन्सून वेळेत दाखल होईल, या अपेक्षेने जूनच्या पहिल्या आठवड्यात धूळवाफ्यावर भात रोपवाटिका तयार केल्या, मात्र त्यानंतर पावसाने ओढ दिल्याने रोपवाटिका संकटात सापडल्या. अनेक शेतकऱ्यांना दोन दिवसाआड पाणी देऊन रोपे जिवंत ठेवण्यासाठी कसरत करावी लागली. सततच्या उष्णतेमुळे रोपांची वाढही मंदावली होती..Paddy Sowing: खेड तालुक्याच्या पश्चिम पट्ट्यात भात पेरणी सुरू.मावळ तालुक्यातील रोहिदास लखिमले म्हणाले, ‘‘पंधरा दिवसांपूर्वी धूळवाफ्यावर भाताची रोपवाटिका तयार केली होती. मात्र, पावसाअभावी रोपांची वाढ खुंटली होती. गेल्या दोन दिवसांपासून सुरू झालेल्या पावसामुळे रोपवाटिकांना मोठा आधार मिळाला आहे. हवेत गारवा निर्माण झाल्याने भात रोपांच्या वाढीसाठी पोषक वातावरण तयार झाले आहे. आणखी चार-पाच दिवस रिमझिम पाऊस सुरू राहिल्यास रोपांची वाढ अधिक चांगली होईल. सध्या पडणारा सातत्यपूर्ण हलका पाऊस भात पिकासाठी अत्यंत लाभदायक ठरत आहे.’’.Paddy Sowing Delay: पाऊस लांबल्यामुळे भात पेरणी रखडली.गेल्या काही दिवसांपासून रोपवाटिका वाचविण्यासाठी मोठी कसरत करावी लागत होती. सोमवारी व मंगळवारी झालेल्या पावसामुळे रोपांना आधार मिळाला आहे. आणखी काही दिवस नियमित पाऊस सुरू राहिला, तर भात लावणी करता येईल.- तानाजी- तानाजी कचरे, अंबवणे, ता. राजगड कचरे, अंबवणे, ता. राजगड.गादीवाफ्यावर भात रोपवाटिका तयार करण्यावर विशेष भर देण्यात येत आहे. प्रात्यक्षिकांच्या माध्यमातून शेतकऱ्यांना या तंत्रज्ञानाचे मार्गदर्शन केले जात आहे. सध्या सुरू झालेला पाऊस भात रोपांच्या वाढीसाठी पोषक ठरणार असून, त्यामुळे भात लागवडीला गती मिळेल.- संजय काचोळे, जिल्हा अधीक्षक कृषी अधिकारी.ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
