Farmers Advisory for Monsoon: मॉन्सूनचा प्रवास सुरू झाल्यानंतर केरळपर्यंत येताना मॉन्सूनच्या प्रवासामध्ये अडथळे येत आहे. त्याचा परिणाम खरीप हंगामावर अधिक जाणवण्याची शक्यता आहे. राज्यातील धुळे, सोलापूर, जळगाव, चंद्रपूर, भंडारा, कोल्हापूर, अहिल्यानगर, पुणेचा पूर्व भाग अशा काही भागात पावसाचे मोठे खंड पडणार असून स्थिती चिंताजनक राहणार आहे. त्याचा परिणाम पिकांवर व उत्पादनावर होणार आहे. शेतकऱ्यांनी कमी कालावधीची, कमी पाण्याची व आंतरपीक पद्धतीचा अवलंब करण्याचे आवाहन कृषी हवामान फोरम साऊथ आशियाचे सदस्य, ज्येष्ठ कृषी हवामान तज्ज्ञ डॉ. रामचंद्र साबळे यांनी केले. .पुण्यात डॉ. साबळे यांनी सोमवारी (ता. १) पत्रकार परिषदेत राज्यातील जून ते सप्टेंबर या कालावधीचा दीर्घकालीन पावसाचा अंदाज जाहीर केला. या वेळी विलास नजन उपस्थित होते. दरम्यान डॉ. साबळे यांनी गतवर्षी १०६ टक्के पावसाचा अंदाज वर्तविला होता. प्रत्यक्षात सरासरीच्या १२० टक्के पाऊस झाला होता.Monsoon Update: माॅन्सून केरळमध्ये २ दिवसात येणार; आज ५ जिल्ह्यांमध्ये गारपीटीचा अंदाज; पुढील ५ दिवस वादळी पावसाचे.डॉ. साबळे म्हणाले, की यंदा राज्यात सरासरीच्या ९८ टक्के पाऊस होण्याची शक्यता आहे. यामध्ये पाच टक्के कमीअधिक तफावत आढळून येण्याचा अंदाज आहे. महाराष्ट्रासाठी जून ते सप्टेंबर २०२६ मधील मॉन्सून पावसाचा अंदाज वर्तविला आहे. हा अंदाज कमाल तापमान, सकाळ व दुपारची सापेक्ष आर्द्रता, वाऱ्याचा वेग आणि सूर्यप्रकाशाचा कालावधी या निकषावर आधारित आहे..Maharashtra Weather Update: उत्तर महाराष्ट्र, मराठवाड्यात गारपिटीची शक्यता.या वर्षी वाऱ्याचा ताशी वेग कमी आढळल्याने राज्यात सर्वच भागात मोठे खंड राहण्याची शक्यता आहे. जुलैच्या दुसऱ्या पंधरवड्यापासून आॅगस्ट-सप्टेंबर महिन्यांत पावसाचे प्रमाण चांगले राहील. कमी दिवसांत अधिक पाऊस व काही काळ पावसात मोठे खंड राहतील. यंदा हवामान विभागाने दुसऱ्या टप्प्यात देशात ९० टक्के पावसाचा अंदाज वर्तविला आहे. मात्र, महाराष्ट्रात सरासरीच्या ९८ टक्के पाऊस होण्याची शक्यता आहे. पूर्व विदर्भ विभागात दरवर्षीपेक्षा कमी म्हणजेच ९६ टक्के पावसाचा अंदाज आहे..यंदाच्या पावसाळ्यात दरवर्षीच्या तुलनेत ‘एल निनो’मुळे सरासरीच्या तुलनेत काहीशी कमी पावसाची शक्यता आहे. राज्यात काही ठिकाणी चांगला पाऊस पडणार आहे. परंतु जून, जुलैमध्ये पावसाचे खंड अधिक आहे. खरिपात शेतकऱ्यांनी ६५ मिलिमीटर किंवा दोन ते तीन फुटांचा पुरेसा ओलावा झाल्याशिवाय पेरणी करू नये.डॉ. रामचंद्र साबळे, ज्येष्ठ हवामान तज्ज्ञ.ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
