Akola News: डाॅ. पंजाबराव देशमुख कृषी विद्यापीठाचे माॅडेल व्हिलेज चेलका या गावातील शेतकऱ्यांनी पारंपरिक पिकांची कास सोडत नवनवीन पीकपद्धतींचा अंगिकार करणे सुरू केले आहे. या वर्षी रब्बी हंगामात कांदा बीजोत्पादनाच्या क्षेत्रात वाढ होत असून सध्या लागवड जोरात सुरू आहे. .बार्शीटाकळी तालुक्यात अतिवृष्टीमुळे खरीप पिकांचे या वर्षी मोठ्या प्रमाणात नुकसान झाले आहे. संकटात सापडलेल्या शेतकऱ्यांनी त्यामुळे पारंपरिक पिकांऐवजी या वेळी कांदा बीजोत्पादन, चिया सीडची निवड केली आहे..Modern Agriculture : रायगडमध्ये आधुनिक शेतीकडे वाढता कल.चेलका येथे दरवर्षी रब्बीत हरभरा, गहू ही पिके घेतली जातात. या वेळी या पिकांवर अवलंबून न राहता कांदा बीजोत्पादनाकडे शेतकरी वळले आहेत. कपाशीची काढणी करून गव्हाचे पीक घेणारे शेतकरी या वर्षी कांदा बीजोत्पादनासाठी पुढे आले. नाशिक जिल्ह्यातील एका कंपनीमार्फत चांगल्या प्रतीचा कांदा उपलब्ध करून देण्यात आला आहे..Modern Agriculture Technology: आधुनिक यंत्रांना हवी तंत्रज्ञानाची जोड.डॉ. पंजाबराव देशमुख कृषी विद्यापीठाने चेलका हे गाव दत्तक घेतल्याने कृषी विद्यापीठाचे शास्त्रज्ञ येथील शेतकऱ्यांना नेहमी मार्गदर्शन करीत आहेत. त्याचाच एक भाग म्हणून विद्यापीठाचे तज्ज्ञ डॉ. प्रकाश घाटोळ यांनी येथील शेतकऱ्यांना मसाला पिके, कांदा बीजोत्पादन, चिया सीड, केळी, हळद, उन्हाळी तीळ अशी पिके घेण्याबाबत सल्ला दिला.ज्या शेतकऱ्यांकडे पाणी उपलब्ध आहे, अशा शेतकऱ्यांनी पारंपरिक पिकांवर अवलंबून न राहता नव्या पीक पद्धतीकडे वळले पाहिजे. त्यामध्ये चिया सीड, कांदा बीजोत्पादन, कमी खर्चामध्ये उन्हाळी तीळ अशी पिके घेतली पाहिजेत. तसेच अकोला जिल्ह्यात बाळापूर, पातूर आणि अकोट तालुक्यांत कांदा पिकासाठी पीकविमा योजना लागू आहे. बार्शीटाकळी तालुक्याचाही समावेश केला जावा यासाठी जिल्हा अधीक्षक कृषी अधिकाऱ्यांनी पुढाकार घ्यावा.रामेश्वर पाटील, शेतकरी, चेलका, ता. बार्शीटाकळी, जि. अकोला.ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
