Jalgaon News: खानदेशात बाजरीची पेरणी सुरूच आहे. यंदा क्षेत्र किंचित वाढू शकते. पेरणी सुमारे सात हजार हेक्टरपर्यंत जाऊ शकते, असा अंदाज आहे. कारण अनेकांनी कांदा व मका लागवड कमी केली आहे. .बाजरीची पेरणी साडेसहा हजार हेक्टरवर अपेक्षित होती. परंतु अनेकांनी कांदा, मका व गहू लागवड कमी केली. चारा व धान्यासाठी बाजरीची पेरणी करण्यास शेतकरी पसंती देत आहेत. यामुळे बाजरीची पेरणी काहीशी वाढणार आहे. .Bajra Sowing: बाजरीच्या पेरणीत यंदा वाढ होण्याची शक्यता.केळी पट्ट्यातही बेवडसाठी बाजरी पेरणी करण्यात आली. जळगावमध्ये जळगाव, चोपडा, जामनेर, पाचोरा भागांत केळीची काढणी ९० ते ९५ टक्के पूर्ण झालेल्या बागांतही ठिबकवर बाजरीची पेरणी झाली. तर रावेर, मुक्ताईनगर, यावल, धुळ्यातील शिरपूर, नंदुरबारमधील शहादा, तळोदा भागांत केळी व इतर पिकांना बेवड, जमीन सुपीकता यासाठी बाजरीची पेरणी झाली..Bajra Sowing: बाजरीची आगाप पेरणी सुरू.बाजरीची सर्वाधिक सुमारे साडेचार हजार हेक्टरवर पेरणी जळगावात होईल, असा अंदाज आहे. तर धुळे व नंदुरबारमध्ये सुमारे अडीच हजार हेक्टरवर बाजरी असणार आहे. बाजरीचे दरही २२०० ते २३०० रुपये प्रति क्विंटल, असे टिकून होते. चाऱ्यासही मागणी आहे. यामुळे बाजरी पेरणीवर शेतकऱ्यांनी भर दिला. .बाजरी पेरणीस मागील महिन्यात सुरुवात झाली. अनेकांनी आगाप पेरणी केली. या महिन्याच्या दुसऱ्या आठवड्यात पेरणीस वेग आला. पेरणी सुरू आहे. ती पुढे सात ते आठ दिवस सुरू राहील, असेही संकेत आहेत. अनेक शेतकरी थंड वातावरणात पेरणी टाळतात. कारण या काळात उगवणीवर परिणाम होतो, असे शेतकरी मानतात. यामुळे किमान तापमानात काहीशी वाढ झाल्यानंतर बाजरी पेरणीला आणखी काही दिवस वेग राहील, असेही सांगितले जात आहे..ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
