Mexico Sugar Trade Update: आरोग्याबाबत वाढती जागरूकता आणि गोड पेयांवरील विशेष करामुळे मेक्सिकोतील साखरेच्या वापरात घट होत असून, त्याचा परिणाम आता जागतिक साखर व्यापारावरही दिसू लागला आहे. एकीकडे साखर उत्पादन वाढत असताना दुसरीकडे देशांतर्गत खप कमी होत असल्याने मेक्सिकोतील अतिरिक्त साखर निर्यातीसाठी उपलब्ध होत असल्याचे अमेरिकेच्या कृषी विभागाच्या (यूएसडीए) अहवालात नमूद करण्यात आले आहे. .मेक्सिकोतील देशांतर्गत साखर वापर २०२६-२७ या हंगामात ३९.२९ लाख टनांवर राहण्याचा अंदाज आहे. हे प्रमाण मागील वर्षीच्या तुलनेत सुमारे दोन टक्के कमी आहे. गोड पेयांवरील विशेष कर (आयईपीएस) आणि ग्राहकांच्या बदलत्या आहार सवयी ही यामागची प्रमुख कारणे असल्याचे अहवालात म्हटले आहे..Sugar Export Crisis: साखरनिर्यात संकटात.अमेरिकेसोबतच्या व्यापार व्यवस्थेमुळे मेक्सिकोला सर्व अतिरिक्त साखर अमेरिकन बाजारात पाठवता येत नाही. परिणामी, २०२६-२७ मध्ये अमेरिकेबाहेरील बाजारपेठांकडे साखर निर्यात ३.०३ लाख टनांपर्यंत जाण्याचा अंदाज व्यक्त करण्यात आला आहे..Sugar Industry: सरकारची साखर झोप.मेक्सिकोतील साखर उत्पादन २०२४-२५ मधील ४७.७१ लाख टनांवरून २०२५-२६ मध्ये ५२.३६ लाख टनांवर पोहोचण्याचा अंदाज आहे. तर २०२६-२७ मध्ये ते आणखी वाढून ५२.८३ लाख टनांवर जाऊ शकते. म्हणजे अवघ्या दोन वर्षांत उत्पादनात सुमारे पाच लाख टन वाढ अपेक्षित आहे. उत्पादनवाढीमागे हवामानातील अनुकूलता हा महत्त्वाचा घटक ठरला आहे..ऊस उत्पादन, उत्पादकता आणि साखर उतारा या तिन्ही घटकांत मागील वर्षाच्या तुलनेत सुधारणा आहे. साखर बाजारातील समीकरणे आता केवळ उत्पादनावर अवलंबून राहिलेली नाहीत. ग्राहकांची बदलती आहारशैली, आरोग्यविषयक धोरणे आणि कररचना यांचाही बाजारावर प्रभाव पडत आहे. मेक्सिकोतील सध्याची परिस्थिती हे त्याचेच एक प्रातिनिधिक उदाहरण मानले जात आहे..ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
