Nagar News : पुढील वर्षी होणाऱ्या लोकसभा निवडणुकांचे आतापासून पक्षीय पातळीवर वेध लागले असून या पार्श्वभूमीवर राष्ट्रवादी काँग्रेसच्या पदाधिकाऱ्यांची बैठक मंगळवार (ता. ३०) आणि बुधवार (ता. ३१) रोजी मुंबईत होणार आहे.
राष्ट्रवादी काँग्रेसचे अध्यक्ष खासदार शरद पवार निवडणुकीच्या दृष्टीने आढावा घेणार आहेत. नगर जिल्ह्याकडे नेत्यांचे विशेष लक्ष असून जिल्ह्यातील शिर्डी आणि नगर या लोकसभेच्या दोन जागांचा आढावा बैठकीत घेण्यात येणार आहे.
नगर जिल्ह्यात शिर्डी व नगर (दक्षिण) असे दोन लोकसभेचे मतदार संघ आहेत. दक्षिणेत भाजपचे डॉ. सुजय विखे खासदार आहेत तर शिर्डीत शिवसेनेचे परंतु अलिकडे शिंदे गटात सामील झालेले सदाशीव लोखंडे खासदार आहेत.
दोन्ही लोकसभा मतदार संघांवर अलिकडच्या दहा पंधरा वर्षांपासून शिवसेना, भाजपचे वर्चस्व आहे. आता या दोन्ही लोकसभा मतदार संघांत आघाडीचा उमेदवार निवडून यावा यासाठी प्रयत्न सुरू झाले आहेत.
खासकरून राष्ट्रवादीच्या कोट्यात असलेल्या दक्षिणेवर राष्ट्रवादीचा डोळा आहे. त्या अनुषंगाने उमेदवार शोधण्यासह अन्य बाबींची आतापासून तयारी सुरू असल्याचे दिसत आहे. त्याचाच एक भाग म्हणून मुंबईत आढावा बैठक होत आहे.
खासदार शरद पवार मुंबईतील यशवंतराव चव्हाण सेंटरमध्ये जिल्हानिहाय ३० आणि ३१ तारखेला पक्षाच्या संसदीय सदस्यांबरोबरच पक्षाचे खासदार, आमदार, जिल्हाध्यक्ष, पदाधिकारी आणि प्रमुख नेत्यांच्या उपस्थितीत बैठक घेणार आहेत.
विधानसभेचे विरोधी पक्षनेते अजित पवार, प्रदेशाध्यक्ष आमदार जयंत पाटील, ज्येष्ठ नेते प्रफुल्ल पटेल, आमदार छगन भुजबळ, दिलीप वळसे पाटील, खासदार सुप्रिया सुळे, जिल्ह्यांचे निरीक्षक उपस्थित राहणार आहेत.
ॲग्रोवनचे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.
ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.