Kharif Sowing Delayed: यंदा पावसाच्या अनियमिततेचा मराठवाड्यातील खरीप हंगामावर मोठा परिणाम झाला असून, सोमवारअखेर (ता. १३) सर्वसाधारण क्षेत्राच्या केवळ ६५ टक्के क्षेत्रावरच पेरणी झाली आहे. गतवर्षी याच कालावधीत ९२ टक्के क्षेत्रावर पेरणी पूर्ण झाली होती. .यंदाची पेरणी गतवर्षीच्या प्रत्यक्ष पेरणी क्षेत्राच्या तुलनेतही केवळ ७१ टक्क्यांपर्यंतच पोहोचली आहे. गेल्या तीन ते पाच दिवसांपासून अनेक भागांत पावसाने दडी मारल्याने उगवलेली पिकेही संकटात सापडली आहेत..Kharif Sowing Slow: मराठवाड्यात अवघ्या साडेआठ हजार हेक्टरवर पेरणी.कृषी विभागाने दिलेल्या माहितीनुसार, मराठवाड्यातील खरिपाचे सर्वसाधारण क्षेत्र ४९ लाख ७२ हजार ७२९ हेक्टर आहे. गतवर्षी १३ जुलैअखेर ४५ लाख ५८ हजार ४१५ हेक्टर (९२ टक्के) क्षेत्रावर पेरणी झाली होती. त्या वेळी मे महिन्याच्या सुरुवातीपासूनच झालेल्या पावसामुळे पेरणीला पोषक परिस्थिती निर्माण झाली होती..Kharif Sowing: मराठवाड्यात खरीप पेरणी अद्याप रखडलेलीच.यंदा मात्र जूनअखेरपर्यंत बहुतांश भागात समाधानकारक पाऊस झाला नाही. त्यामुळे सिंचनाची सुविधा असलेल्या काही क्षेत्रांतील अपवाद वगळता पेरणीला सुरुवात होऊ शकली नाही. जूनअखेरीस आणि जुलैच्या प्रारंभी झालेल्या पावसामुळे काही प्रमाणात पेरणीला गती मिळाली; मात्र त्यानंतर.पुन्हा पावसाने खंड दिल्याने पेरणीचा वेग मंदावला.१३ जुलैअखेर मराठवाड्यातील आठही जिल्ह्यांत मिळून ३२ लाख १५ हजार २५५ हेक्टर क्षेत्रावर पेरणी झाली आहे. सर्वसाधारण क्षेत्राच्या तुलनेत हा आकडा ६५ टक्के असून, गतवर्षीच्या प्रत्यक्ष पेरणी क्षेत्राच्या तुलनेत ७१ टक्के आहे..जिल्हानिहाय पाहता, लातूरमध्ये सर्वांत कमी ४३ टक्के क्षेत्रावर पेरणी झाली आहे. धाराशिवमध्ये ४८ टक्के, बीडमध्ये ६२ टक्के, तर छत्रपती संभाजीनगर, जालना आणि परभणी या तिन्ही जिल्ह्यांत प्रत्येकी ७० टक्के पेरणी झाली आहे. हिंगोलीमध्ये ७६ टक्के, तर नांदेडमध्ये सर्वाधिक ७८ टक्के क्षेत्रावर पेरणी पूर्ण झाली आहे. छत्रपती संभाजीनगर कृषी विभागातील तीन जिल्ह्यांत सर्वसाधारण क्षेत्राच्या ६७ टक्के, तर लातूर कृषी विभागातील पाच जिल्ह्यांत ६३ टक्के क्षेत्रावर पेरणी झाली आहे..ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
