Latur News : मांजरा नदीच्या पुराने नदीकाठच्या शेतकऱ्यांची पिके तर वाहून गेली परंतु शेतीची मातीही खरडून गेल्याने रब्बी हंगामाची पेरणी कशी करायची, असा प्रश्न शेतकऱ्यांना पडला आहे. या पुरामध्ये जनावरांचा चारा, शेतातील पाइप, कडब्याची गंजी, स्प्रिंकलर आदी साहित्य पाण्याच्या प्रवाहात वाहून गेल्याने शेतकऱ्यांना मोठ्या आर्थिक संकटाला सामोरे जावे लागत आहे. .तालुक्यातील शिरोळ वांजरवाडा येथील शेतकरी राम कजेवाड, तुकाराम कजेवाड, ज्ञानोबा कजेवाड, अविनाश पाटील, मारुती जाधव, ज्ञानेश्वर पाटील, रामकिसन जाधव यासह गिरकसाळ, वळसांगवी, शिऊर या भागांतील नदीकाठच्या शेतकऱ्यांचे मोठे नुकसान झाले.=.Rain Crop Damage : सततच्या पावसाने अकोटमध्ये पीक नुकसान .कधी अतिवृष्टी, तर कधी दुष्काळ अशा संकटांना शेतकऱ्यांना सामोरे जावे लागत आहे. दर चार-पाच वर्षांनी नदीकाठच्या शेतकऱ्यांना महापुराचा फटका बसत आहे. यंदा मृग नक्षत्रात पेरणी झाल्यामुळे सोयाबीनसह सर्वच क्षेत्रांतील पिके, समाधानकारक होती. .Rain Crop Damage: खानदेशात पावसाने हानी, अनेक भागांत हजेरी.योग्य वेळी लागेल तसा पाऊस पडत गेल्याने पिके जोमात होती. शेतकऱ्यांनीही वेळेवर फवारणी, कोळपणी, खुरपणी केल्याने मोठा आर्थिक खर्च केला होता. मात्र अतिवृष्टीच्या पावसामुळे पाणी नदीपात्राच्या बाहेर पडून पिके पूर्णतः वाहून गेली आहेत. यामुळे शेतकऱ्यांचे करोडो रुपयांचे नुकसान झाले असून, हजारो हेक्टर क्षेत्र बाधित झाले आहे..शासनाची मदत तुटपुंजीहजारो हेक्टर जमीन पाण्याच्या प्रवाहात वाहून गेली आहे. अनेक शेतकऱ्यांचे ओढ्याच्या पाण्यामुळे पिकांचे नुकसान झाले. परंतु शासनाकडून केवळ दोन हेक्टरपर्यंत मदत मिळणार असून, ती मदतही अतिशय तुटपुंजी आहे. त्यामुळे नदीकाठच्या शेतकऱ्यांसाठी विशेष पॅकेज जाहीर करावे, अशी मागणी मांजरा व तेरणा नदीकाठच्या शेतकऱ्यांकडून करण्यात येत आहे..ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
