Washim News: आधुनिक कृषी तंत्रज्ञानाचा अवलंब करून उत्पादनवाढ साध्य करताना शेती कमी खर्चिक, शाश्वत व उद्योगाभिमुख बनवणे काळाची गरज आहे. शेतीमाल मूल्यवर्धनावर आधारित प्रक्रिया उद्योग, शेतकरी उत्पादक गट व कृषी उद्योजकता विकासाच्या माध्यमातून शेतीला उद्योगाचा दर्जा देऊन व्यावसायिक दृष्टिकोनातून उत्पादन घ्यावे, असे आवाहन कृषी विज्ञान केंद्रचे प्रमुख व वरिष्ठ शास्त्रज्ञ डॉ. रवींद्र काळे यांनी केले..स्थानिक कृषी विज्ञान केंद्र व डॉ. पंजाबराव देशमुख कृषी विद्यापीठ यांच्या संयुक्त विद्यमाने बिटोडा (भोयर) येथे कृषीविषयक अद्ययावत व शास्त्रीय माहिती, कृषीआधारित उद्योग, ‘पोकरा’ अंतर्गत शेतकऱ्यांना उपलब्ध असलेले विविध लाभ तसेच ‘जी-राम-जी विधेयक’ संदर्भातील मार्गदर्शनासाठी विशेष कार्यशाळा व चर्चासत्राचे आयोजन करण्यात आले. या प्रसंगी कार्यक्रमाच्या अध्यक्षस्थानी डॉ. काळे होते. .Sustainable Farming: कृषी अवजारे उद्योगाने हरित इंधनावर आधारित तंत्रज्ञानाकडे वळावे- कृषी मंत्रालय.त्या वेळी ते बोलत होते. कार्यक्रमास मुंबई येथील आरोग्य दूत रवी राठोड, सुविदे फाउंडेशनचे विश्वस्त संजय उकळकर, कृषी उपसंचालक हिना शेख तसेच उपविभागीय कृषी अधिकारी संतोष वाळके उपस्थित होते. मार्गदर्शक म्हणून डॉ. बी. डी. गिते, डॉ. एस. के. देशमुख, निवृत्ती पाटील, सचिन कांबळे, राजेश डवरे व मयूर देशमुख यांनी सहभाग घेतला. .प्रास्ताविकात प्रा. देविदास भोंयर यांनी कार्यक्रमाच्या आयोजनामागील उद्देश स्पष्ट करत शेतकऱ्यांनी शासकीय योजना, तंत्रज्ञान व कृषीआधारित उद्योगांविषयी अद्ययावत माहिती आत्मसात करणे अत्यंत आवश्यक असल्याचे प्रतिपादन केले..Sustainable Farming: शाश्वत शेती, जैवविविधतेचे संरक्षण महिलांच्या नेतृत्वाखालील.कार्यक्रमादरम्यान श्री. वाळके यांनी ‘पोकरा’विषयी सविस्तर माहिती दिली. श्री. कांबळे यांनी शेती विकासासाठी केंद्र व राज्य शासनामार्फत राबविण्यात येणाऱ्या विविध योजनांची माहिती दिली. श्री. राठोड यांनी निरोगी जीवनशैली, संतुलित आहार व आरोग्य संवर्धनाबाबत माहिती दिली. हिनाशेख यांनी शेती क्षेत्रातील सद्यःस्थितीचाआढावा घेत शेतकऱ्यांसाठी उपलब्ध असलेल्या विविध लाभदायक योजनांचीमाहिती दिली..कृषी विज्ञान केंद्रातील शास्त्रज्ञ श्री. पाटील, श्री. डवरे, श्री. देशमुख यांनी मार्गदर्शन केले. तसेच राजूभाऊ जोगदंड यांनी प्रक्रिया उद्योगातून आर्थिक समृद्धीकडे वाटचाल याविषयी सविस्तर मार्गदर्शन केले. सूत्रसंचालन सहायक कृषी अधिकारी वैभव इंगळे यांनी केले, तर देविदास भोयर यांनी आभार मानले..ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
