Solapur News: सोलापूर जिल्ह्यातील दक्षिण सोलापूर आणि मंगळवेढा तालुक्यातील वाळू ठेक्यांवर यंत्रसामग्री आणि वाहनांचा वापर होत असल्याची तक्रार प्राप्त होताच, प्रशासनाने मोठी कारवाई केली आहे. .राष्ट्रीय हरित लवादाच्या नियमांचे उल्लंघन झाल्याच्या संशयावरून उपजिल्हाधिकाऱ्यांनी या ठिकाणचा वाळू उपसा तूर्तास स्थगित केला आहे. तहसीलदारांच्या तपासणी अहवालानंतरच आता या ठेक्यांना परवानगी मिळणार आहे..Sand Mining: प्रमुख नद्यांचा प्रवाह थांबला; वाळूउपसा सुरू.गेल्या चार वर्षांच्या प्रतीक्षेनंतर जिल्ह्यात नवीन धोरणानुसार वाळू लिलाव प्रक्रिया राबवण्यात आली होती. जिल्ह्यात सध्या तीनच ठिकाणांहून वाळू उपसा सुरू आहे. पंढरपूर तालुक्यातील ठेक्याला परवानगी असूनही तेथील उपसा अद्याप सुरू झालेला नाही..यामध्ये दक्षिण सोलापूर तालुक्यातील भंडारकवठे, लवंगी आणि मंगळवेढा तालुक्यातील मिरी-तांडोर येथे उपसा सुरू झाला होता. मात्र, भंडारकवठे येथे नदीपात्रात थेट वाहने घालून वाळू काढली जात असल्याचा व्हिडिओ जिल्हाधिकाऱ्यांकडे पुराव्यासह सादर करण्यात आला होता. राष्ट्रीय हरित लवादाच्या आदेशानुसार, नदीपात्रातून फक्त पारंपारिक पद्धतीने वाळू उपसा करणे बंधनकारक आहे..Illegal Sand Mining: चांभारवाडीत वाळूमाफियांवर ‘सर्जिकल स्ट्राइक’.जेसीबी किंवा इतर यांत्रिक वाहनांना नदीपात्रात प्रवेश सक्त मनाई आहे. तक्रारीची दखल घेत महसूल उपजिल्हाधिकारी संतोष देशमुख यांनी पुढील पाच दिवसांसाठी उपसा बंद ठेवण्याचे आदेश दिले आहेत. संबंधित तहसीलदारांनी स्वतः ठेक्यावर जाऊन पाहणी करावी आणि नियमांचे उल्लंघन झाले आहे का, याचा सविस्तर अहवाल जिल्हाधिकाऱ्यांना सादर करावा, असे निर्देश देण्यात आले आहेत..नदीपात्रात वाहने घातल्याची तक्रार जिल्हाधिकाऱ्यांना प्राप्त झाली होती. त्यानुसार वाळू उपसा करण्यास स्थगिती देण्यात आली आहे. तहसीलदारांच्या तपासणीनंतरच पुन्हा परवानगीबाबत निर्णय घेतला जाईल."- संतोष देशमुख, महसूल उपजिल्हाधिकारी.ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
