Kharif Season: बळिराजाने जीवाचे रान केले; पण आता ऐन उमेदीत आलेली पिके पाण्याविना डोळ्यांसमोर माना टाकत आहेत. आभाळात ढग दाटून येतात, पण बरसत नाहीत, अशी वेदनादायी अवस्था माजलगाव परिसरात झाली आहे. ऑगस्ट महिन्यातील पावसाच्या मोठ्या खंडामुळे खरीप हंगाम हातातून जाण्याची भीती निर्माण झाली आहे. याच पार्श्वभूमीवर, केवळ नुकसानभरपाईची आणि पंचनाम्यांची वाट पाहण्यापेक्षा कर्नाटक सरकारच्या धर्तीवर मराठवाड्यातही कृत्रिम पावसाचा प्रयोग तातडीने राबवावा, अशी आर्त हाक आता शेतकरी वर्गातून दिली जात आहे..यंदाच्या मान्सूनवर अलनिनोचा प्रभाव असल्याने पावसाळा शेतकऱ्यांसाठी संकटाचा ठरत आहे. सुरवातीच्या पावसानंतर शेतकऱ्यांनी सोयाबीन, कापूस, तूर, मूग, उडीद, मका यांसारख्या पिकांची पेरणी जोमात केली होती. मात्र, ऑगस्ट महिन्यात पावसाने दडी मारल्याने पिकांची वाढ खुंटली असून, पाने कोमेजून जात आहेत..El Nino Challenges: ‘एल निनो’च्या पार्श्वभूमीवर महाराष्ट्रातील शेतीसमोरील आव्हाने.दुसरीकडे, कर्नाटक सरकारने पावसाच्या तुटीवर मात करण्यासाठी ६० दिवसांच्या क्लाउड सीडिंग कार्यक्रमाला मंजुरी देत तब्बल २८ कोटी रुपयांची तरतूद केली आहे. महाराष्ट्र सरकारनेही याच धर्तीवर मराठवाड्याची परिस्थिती गांभीर्याने घ्यावी..कृषी, हवामान आणि जलसंपदा तज्ज्ञांची तातडीची बैठक बोलावून पिके वाचवण्यासाठी कृत्रिम पावसाचा प्रयोग करावा, अशी मागणी जोर धरत आहे. त्यामुळे काही प्रमाणात का होईना शेतकऱ्यांना लागलेली चिंता दूर होईल, असा सूर उमटत आहे..Soil Moisture Conservation: रब्बी हंगामासाठी जमिनीतील ओलावा व्यवस्थापन.माजलगाव धरण रिकामेयंदाच्या अपुऱ्या पावसामुळे माजलगाव धरण रिकामे आहे. सध्या पैठणच्या नाथसागराच्या उजव्या कालव्यातून माजलगाव धरणात पाणी सोडण्यात येत आहे. भविष्यात हे पाणी पिण्यासाठी वापरले जाणार असले तरी, सद्यस्थितीत करपून जाणाऱ्या पिकांना जीवदान देण्यासाठी हे पाणी काही दिवस शेतीसाठी सोडावे, अशी मागणी शेतकरी करत आहेत..चिंताजनक आकडेवारीजिल्ह्यात वार्षिक सरासरी ५६६ मिलीमीटर पावसापैकी आतापर्यंत २७६ मिलीमीटर (४९ टक्के) पावसाची नोंद झाली आहे. यामध्ये आष्टी तालुक्यात ३८ टक्के, गेवराईत ३६ टक्के, तर वडवणीत ४९ टक्के एवढाच पाऊस झाला आहे..ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
