Mahendra Gaikwad: साताऱ्यात अत्यंत चुरशीने पार पडलेल्या ५२ व्या हिंद केसरी कुस्ती स्पर्धेत सोलापूरच्या महेंद्र गायकवाड ऊर्फ बाहुबलीने ऐतिहासिक कामगिरी करत ‘हिंद केसरी’च्या गदेवर आपले नाव कोरले आहे. रविवारी रात्री उशिरा झालेल्या अंतिम लढतीत त्याने पुण्याच्या पृथ्वीराज मोहोळवर मात केली. या अंतिम सामन्यात पृथ्वीराजला दुखापत झाल्याने त्याने लढतीतून माघार घेतली, त्यानंतर पंचांनी महेंद्रला विजयी घोषित केले. .भूतकाळात तब्बल तीन वेळा महाराष्ट्र केसरीच्या किताबाने हुलकावणी दिल्यानंतर, महेंद्रने अखेर चालू वर्षाच्या (२०२४-२५) हिंद केसरीचे अजिंक्यपद पटकावून आपले स्वप्न पूर्ण केले. मात्र, या पराभवामुळे पृथ्वीराजचे महाराष्ट्र केसरी पाठोपाठ हिंद केसरी होण्याचे स्वप्न भंगले..Haryana Wheat Procurement : हरियाणा गहू खरेदीवरून काँग्रेस आक्रमक; नव्या नियमामुळे शेतकरी अडचणीत, सरकारवर आरोप.या दिमाखदार विजयामुळे महेंद्र हा महाराष्ट्राचा १० वा, तर देशाचा ३९ वा हिंद केसरी ठरला आहे. यापूर्वी महाराष्ट्रातून श्रीपती खंचनाळे, गणपतराव आंधळकर, मारुती माने, हजरत पटेल, दीनानाथ सिंह, चंबा मुतनाळ, विनोद चौगुले, योगेश दोडके आणि अभिजित कटके यांनी ही ऐतिहासिक कामगिरी केली होती, ज्यामध्ये आता महेंद्रच्या नावाचा समावेश झाला आहे..Mini Saras Exhibition: मिनी सरस उत्पादने विक्री प्रदर्शन, खाद्य महोत्सव सुरू.तर दुसरीकडे, महिलांच्या हिंद केसरी किताबासाठी हरियानाची काजल धोचक आणि दिल्लीची खुशी दलाल यांच्यात अटीतटीची लढत झाली. यात काजलने खुशीला चीतपट करत महिला हिंद केसरीचा बहुमान मिळवला. तसेच महाराष्ट्राची डबल महाराष्ट्र केसरी अमृता पुजारीने हरियानाच्या मीनूवर विजय मिळवत कांस्य पदक (तृतीय क्रमांक) पटकावले आणि राज्याचा दबदबा कायम राखला..राज्य भारतीय शैली कुस्ती महासंघाच्या मान्यतेने राजेश्वर प्रतिष्ठान व तालीम संघाच्या वतीने साहेबराव पवार शतकपूर्ती वर्षानिमित्त या ५२ व्या हिंद केसरी कुस्ती स्पर्धेचे आयोजन साताऱ्यात करण्यात आले होते.....अशी झाली अंतिम लढतमैदानात कुस्ती सुरू झाल्यानंतर पहिल्या दहा सेकंदातच महेंद्रने अत्यंत आक्रमक पवित्रा घेत पृथ्वीराजवर डाव टाकण्याचा प्रयत्न केला. या डावाच्या गडबडीत पृथ्वीराजच्या हाताला गंभीर इजा झाली, ज्यामुळे कुस्ती काही काळ थांबवण्यात आली आणि महेंद्रला दोन गुण देण्यात आले. काही वेळाने उपचार घेऊन कुस्ती पुन्हा सुरू झाली, परंतु हाताच्या दुखापतीमुळे पृथ्वीराजला पुढे लढणे अशक्य झाल्याने त्याने अखेर लढतीतून माघार घेतली आणि महेंद्र गायकवाडच्या विजयावर शिक्कामोर्तब झाले..ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
