Maharashtra Weather Update: राज्याच्या अनेक भागांत पावसाने खंड दिला असला तरी कोकण, घाटमाथा आणि मध्य महाराष्ट्रात तुरळक ठिकाणी पावसाच्या सरी सुखावत आहेत. आज (ता. १८) विदर्भ, मराठवाडा आणि मध्य महाराष्ट्रात जोरदार वारा, विजांसह वादळी पावसाची शक्यता असल्याने सतर्कतेचा इशारा (येलो अलर्ट) देण्यात आला आहे. कोकण, मध्य महाराष्ट्रात विजांसह हलक्या पावसाची शक्यता हवामान विभागाने वर्तविली आहे..मॉन्सूनचा आस असलेला कमी दाबाचा पट्टा पंजाबच्या अमृतसरपासून चंडीगड, शाहजहानपूर, पाटना, कमी दाबाची केंद्रे ते ईशान्य बंगालच्या उपसागरापर्यंत सक्रिय आहे. उत्तर लक्षद्वीपपासून केरळ, कर्नाटक, उत्तर तमिळनाडू ते बंगालच्या उपसागरापर्यंत हवेचा कमी दाबाचा पट्टा सक्रिय आहे..Rain Forecast: कोकण, मध्य महाराष्ट्र, मराठवाड्यात वादळी पावसाची शक्यता.शुक्रवारी (ता. १७) सकाळपर्यंतच्या २४ तासांमध्ये अकोला येथे राज्यातील उच्चांकी ३७ अंश सेल्सिअस तापमानाची नोंद झाली. जेऊर येथे राज्यातील नीचांकी १८ अंश सेल्सिअस तापमान नोंदले गेले. राज्यात पावसाला सुरुवात झाली असली, तरी अनेक ठिकाणी कमाल तापमानाचा पारा ३३ ते ३७ अंशांच्या दरम्यान आहे. उन्हाचा चटका आणि उकाडा तापदायक ठरत आहे. घाटमाथ्यावरील पोफळी येथे राज्यातील सर्वाधिक ७० मिलिमीटर पावसाची नोंद झाली..Rain Alert: विजांसह वादळी पावसाचा इशारा.आज (ता. १८) मध्य महाराष्ट्रातील अहिल्यानगर, पुणे, सातारा, सोलापूर मराठवाड्यातील छत्रपती संभाजीनगर, जालना, बीड, धाराशिव, लातूर, परभणी, हिंगोली, नांदेड आणि विदर्भातील अमरावती, यवतमाळ, वर्धा, नागपूर, भंडारा, गोंदिया, चंद्रपूर, गडचिरोली या जिल्ह्यांत विजांसह सोसाट्याच्या वाऱ्यासह पावसाची शक्यता असल्याने सतर्कतेचा इशारा (येलो अलर्ट) देण्यात आला आहे. कोकण, मध्य महाराष्ट्रात तुरळक ठिकाणी विजांसह पावसाची शक्यता हवामान विभागाने वर्तविली आहे..कमी दाब क्षेत्र निवळणारबंगालच्या उपसागरात ओडिशा, झारखंड आणि पश्चिम बंगालमध्ये कमी दाब क्षेत्र सक्रिय आहे. त्याला लागून समुद्र सपाटीपासून ५.८ किलोमीटर उंचीपर्यंत चक्राकार वाऱ्यांची स्थिती आहे. आज (ता.१८) ही प्रणाली निवळून जाण्याची शक्यता आहे..ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
