Solapur News : राज्य सरकारने यंदा राज्यात दहा कोटी तर जिल्ह्यासाठी २४ लाख तुती वृक्ष लागवडीचे उद्दिष्ट ठेवले आहे. रेशीम संचालनालयाकडून यासाठी शेतकऱ्यांना प्रतिएकरी दोन लाख रुपयांहून अधिक अनुदान दिले जाणार आहे. त्याचबरोबर समग्र सिल्क या योजनेतून रेशीम कीटक संगोपनासाठी अडीच लाख रुपयांचे अनुदान देण्यात येणार आहे. .शासनाच्या रेशीम संचालनालयाच्या वतीने रेशीमविभाग आपल्या दारी ही शेतकऱ्यांसाठीची योजना सुरू केली आहे. या योजनेंतर्गत ज्या शेतकऱ्यांनी विभागाकडे यापूर्वी नोंदणी केली आहे, मात्र तुती लागवड केली नाही. अशा शेतकऱ्यांसाठी बांधावर जाऊन प्रशिक्षणासह इतर सेवा पुरवल्या जाणार आहेत..Silk Farming : रेशीम उद्योगाने वाचविली तोट्यातील शेती .सरकारने यावर्षी राज्यात दहा कोटी तुती वृक्ष लागवडीचे उद्दिष्ट ठेवले आहे. या लागवडीसाठी सरकारने शेतकऱ्यांना अनुदान जाहीर केले आहे. अल्पभूधारक शेतकऱ्यांसाठी मनरेगाच्या माध्यमातून तुती वृक्ष लागवड व संगोपन करणाऱ्या शेतकऱ्यांना तीन वर्षांत टप्प्याटप्प्याने ही रक्कम दिली जाणार आहे..तुती वृक्ष लागवड योजनेसोबतच राज्य सरकारने समग्र सिल्क ही विशेष योजना सुरू केली आहे. या योजनेंतर्गत बहुक्षेत्र असणाऱ्या शेतकऱ्यांसाठीही अनुदानाची तरतूद करण्यात आली आहे. त्याचबरोबर रेशीम कीटक संगोपनासाठी पक्केशेड उभारणी व इतर साहित्यासाठी अडीच लाख रुपयांपेक्षा जास्त रक्कम अनुदान स्वरूपात उपलब्ध होणार आहे. सध्या सोलापूर जिल्ह्यात मोहोळ, पंढरपूर, माढा, बार्शी या तालुक्यांमध्ये तुती लागवडीच्या क्षेत्रात वाढ होत आहे..Silk Farming: रेशीम शेतीसाठी शेतकऱ्यांनी पुढे यावे: कोल्हे.अनुदानासाठी जॉब कार्ड गरजेचेराज्य शासनाकडून पाच एकरापेक्षा शेती कमी असणाऱ्या शेतकऱ्याला तुती लागवडीसाठी २ लाख १२ हजार रुपये दिले जातात. यासाठी संबंधित शेतकऱ्याने जॉब कार्ड काढणे अनिवार्य आहे..मनरेगा योजनेच्या माध्यमातून तीन वर्षात हे अनुदान दिले जाते. ज्या शेतकऱ्याची शेती पाच एकरापेक्षा जास्त आहे अशा शेतकऱ्याला याच लागवडीसाठी ९० हजार रुपये दिले जातात. याचबरोबर रेशीम कीटक संगोपनासाठी शेड उभारणीसाठी २ लाख ८४ हजार इतके अनुदान दिले जाणार आहे. .ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
