Maharashtra Farmer Agitation: ऊस उत्पादक शेतकऱ्यांना रास्त दर मिळावा, यासाठी स्वाभिमानी शेतकरी संघटनेने आक्रमक भूमिका घेतली आहे. ३५०० रुपयांपेक्षा कमी दराने ऊस देणार नाही, असा ठाम निर्धार सोमवारी (ता. १६) स्वाभिमानी शेतकरी संघटनेचे नेते राजू शेट्टी यांच्या नेतृत्वाखाली निघालेल्या मोर्चात शेट्टी यांच्यासह शेतकऱ्यांनी केला. .जिल्हाधिकारी एस. कार्तिकेयन आणि शेतकरी शिष्टमंडळ यांच्यात एक तास चाललेली बैठक कोणताही ठोस तोडगा न निघाल्याने निष्फळ ठरली. प्रशासनाने कारखानदारांशी चर्चा करण्यासाठी तासाभराची वेळ मागून घेतली. मात्र, ‘‘जोपर्यंत मागण्या मान्य होत नाहीत, तोपर्यंत जिल्हाधिकारी कार्यालयातून हलणार नाही,’’ असा पवित्रा शेट्टी यांनी घेतला आहे..Sugarcane Price : ऊस उत्पादक शेतकऱ्यांना मोठा दिलासा: उसाला प्रति टन ३२०० रुपये पहिला हप्ता जाहीर!.सोमवारी सकाळी चार हुतात्मा पुतळा चौकातून हजारोंच्या संख्येने शेतकरी रस्त्यावर उतरले. सोलापूरसह शेजारील जिल्ह्यांतील शेतकऱ्यांच्या गर्दीमुळे हुतात्मा चौक ते जिल्हा परिषद हा संपूर्ण मार्ग दणाणून गेला होता. मोर्चा नवीन जिल्हाधिकारी कार्यालयावर आल्यानंतर कार्यालयाचे प्रवेशद्वार बंद करण्यात आले होते. मात्र, शेतकऱ्यांनी ताकदीने ते ढकलून थेट जिल्हाधिकारी कार्यालयाच्या आवारात प्रवेश केला..Sugarcane Price : साताऱ्यात ऊसदराचा तिढा कायम; प्रति टन दरावर एकमत नसल्याने बळीराजा आक्रमक.या मोर्चाचे नंतर सभेत रूपांतर झाले. त्यावेळी शेट्टी यांनी सोलापूर जिल्ह्यातील कारखानदारांचे वाभाडे काढले. राष्ट्रीय समाज पक्षाचे नेते महादेव जानकर, जनहित शेतकरी संघटनेचे प्रभाकर देशमुख, स्वाभिमानी संघटनेचे जिल्हाध्यक्ष विजय रणदिवे, शिवसेनेचे संजय कोकाटे, शिवसेनेचे (उबाठा) रणजित बागल, सचिन पाटील, ज्योत्स्ना पाटील, विविध पक्षांचे नेते सहभागी झाले होते. ‘‘आम्ही चंद्र-सूर्य-तारे मागत नाही, तर शेतकऱ्यांच्या घामाचा दाम मागत आहोत,’’ अशा शब्दांत शेट्टी यांनी सरकार आणि कारखानदारांना सुनावले..शेट्टी म्हणाले, की साखरेचा दर प्रति क्विंटल ४५०० रुपयांच्या खाली जाणार नाही, हे गृहीत धरून महाराष्ट्र आणि कर्नाटकातील कारखानदार व शेतकरी संघटनांच्या चर्चेतून ऊसदर निश्चितीचे सूत्र तयार केले आहे. कमी साखर उतारा असलेल्या कारखान्यांनी प्रति टन ३६०० रुपये, तर अधिक उतारा असलेल्या कारखान्यांनी ३९०० रुपये पहिली उचल द्यायची आहे. हंगामानंतर १०० रुपये आणि पुढील हंगाम सुरू होण्यापूर्वी २०० रुपये द्यायचे आहेत. साखरेचा वार्षिक दर ४५०० रुपयांपेक्षा अधिक राहिल्यास वाढीव रकमेतील ७० टक्के हिस्सा देण्याचेही सूत्र आहे..ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.