Sugarcane Crushing Season: गेली दहा वर्षे उसाचा दर प्रति टन ३ हजार रुपयांभोवतीच फिरत आहे. दरम्यान, मागील हप्ता आणि चालू हंगामातील ऊस दर जाहीर न करता सध्या कारखाने सुरू केले जात आहे. यामुळे कारखानदार आणि शेतकरी संघटना यांच्यात संघर्ष निर्माण होण्याची शक्यता आहे. यामुळे कारखान्यांना मागील गाळप हंगामातील दुसरा हप्ता आणि चालू हंगामातील ऊस दर जाहीर करण्याचे आदेश द्यावेत अथवा बैठक घेऊन यावर तोडगा काढावा, अशी मागणी आंदोलन अंकुश संघटनेने केली आहे. यावर कार्यवाही न झाल्यास ऊस वाहतूक रोखली जाईल, असा इशारा त्यांनी दिला आहे. .याबाबतचे निवेदन त्यांनी कोल्हापूरचे जिल्हाधिकारी अमोल येडगे, साखर सहसंचालक आणि पोलीस अधीक्षक योगेश कुमार यांना दिले आहे. यावेळी आंदोलन अंकुशचे प्रमुख धनाजी चुडमुंगे, जिल्हाध्यक्ष दीपक पाटील, राकेश जगदाळे, भूषण गंगावणे, महादेव काळे, भगवान कोइगडे, मंगेश नलावडे आदी उपस्थित होते. .Sugarcane Crushing Season: गाळप हंगामासाठी नांदेड विभागातील २९ साखर कारखान्यांचे अर्ज.दहा वर्षांपूर्वी २०१६ मध्ये ऊस दर प्रति टन ३,१०० रुपये होता. आज दहा वर्षांनी हाच दर कायम आहे. वाढत्या उत्पादन खर्चामुळे शेतकऱ्याला ऊस शेती परवडत नाही. या उलट गेल्या दोन वर्षांत साखर कारखान्यांना साखर, बगॅस, मेालॅसिस, मळी यातून चांगले उत्पन्न मिळाले आहे. त्यामुळे कारखान्यांना झालेल्या नफ्यातील वाटा शासनाच्या २०१३ च्या अधिनियमानुसार ७०-३० फॉर्म्युल्याप्रमाणे नवीन हंगाम सुरु होण्यापूर्वी शेतकऱ्याला दुसऱ्या हप्त्याच्या रूपाने दिला पाहिजे. तसेच चालू हंगामातील दर जाहीर करूनच कारखाने सुरू करायला हवेत, अशी मागणी निवेदनातून करण्यात आली आहे. .Sugarcane Crushing Season: गाळप हंगामासाठी नांदेड विभागातील २९ साखर कारखान्यांचे अर्ज.या सर्व मागण्या शेतकरी संघटनांनी एक महिन्यापूर्वीच सर्व कारखान्यांपर्यंत निवेदनाद्वारे कळविल्या आहेत. पण त्याकडे दुर्लक्ष करुन मागील हप्ता आणि चालू हंगामातील दर जाहीर न करता कारखाने सुरू केले जात असल्याचे संघटनेने निदर्शनास आणून दिले आहे..जिल्हाधिकाऱ्यांनी आपल्या अधिकाराचा वापर करून कारखान्यांना मागील गळीत हंगामातील दुसरा हप्ता आणि चालूचा दर जाहीर करण्याचे आदेश द्यावेत, अशी मागणी करण्यात आली आहे..ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
