Maharashtra Monsoon Update: मॉन्सूनचा मुख्य पट्टा उत्तरेकडे सरकल्याने राज्यात मागील पाच दिवसांपासून पावसाने उघडीप दिली आहे. कमाल तापमानाचा पारा ३० ते ३५ अंशाच्या दरम्यान आहे. उन्हाचा चटका वाढल्याने उकाडा जाणवू लागला आहे. तसेच घामाच्या धारा वाहू लागल्या आहेत. तर काही भागात ऊन-सावल्यांचा खेळ अनुभवायला मिळत आहे. .आज राज्यात प्रामुख्याने उघडीप राहून उन्हाचा चटका कायम राहण्याचा अंदाज आहे. तर उद्यापासून म्हणजेच मंगळवारपासून राज्यातील काही भागात पावसाला पोषक हवामान होण्याची शक्यता हवामानशास्त्र विभागाने वर्तवली आहे. .Maharashtra Rain Update: राज्यात पावसाची उघडीप शक्य.हवामानशास्त्र विभागाने पाच दिवसांचा अंदाज जारी केला आहे. उद्या कोकण, उत्तर मध्य महाराष्ट्रासह मराठवाड्यातील पालघर, रायगड, नाशिक घाटमाथा, धुळे, नंदुरबार, जळगाव, जालना आणि छत्रपती संभाजीनगर जिल्ह्यांत तुरळक ठिकाणी हलक्या सरी हजेरी लावण्याचा अंदाज आहे. तर उर्वरित राज्यात उन्हाचा चटका कायम राहील..बुधवारी पूर्व विदर्भातील चंद्रपूर आणि गडचिरोलीत विजांसह वादळी पावसाचा येलो अलर्ट देण्यात आला आहे. तर नांदेड, हिंगोली, परभणी, जालना, बीड, छत्रपती संभाजीनगर, जळगाव, धुळे, नंदुरबार, नाशिक, अहिल्यानगर, पुणे, सातारा, रायगड, पालघर, मुंबई, ठाणे, सातारा घाटमाथा, नाशिक घाटमाथा, सातारा घाटमाथ्यावर ढगाळ वातावरणासह हलक्या सरी हजेरी लावण्याचा अंदाज असून उर्वरित राज्यात ऊन-सावल्यांचा खेळ अनुभवायला मिळण्याचा अंदाज हवामानशास्त्र विभागाने दिला आहे..तर गुरुवारी बुलढाणा, वाशिम, यवतमाळ आणि चंद्रपूर जिल्ह्यांत विजांसह वादळी पावसाचा येलो अलर्ट देण्यात आला आहे. तर नांदेड, हिंगोली, लातूर, परभणी, जालना, बीड, छत्रपती संभाजीनगर, जळगाव, धुळे, नंदुरबार, नाशिक, अहिल्यानगर, पुणे, सातारा, सांगली, रायगड, पालघर, मुंबई, ठाणे, सातारा घाटमाथा, नाशिक घाटमाथा, सातारा घाटमाथ्यावर ढगाळ वातावरणासह हलक्या सरी हजेरी लावण्याचा अंदाज आहे. तर उर्वरित राज्यात उघडीप राहील, अशी शक्यता हवामानशास्त्र विभागाने वर्तविली आहे..शुक्रवारी यवतमाळ,वर्धा, नागपूर, चंद्रपूर आणि गडचिरोली जिल्ह्यांत तुरळक ठिकाणी विजांसह वादळी पावसाचा येलो अलर्ट देण्यात आला आहे. तर हिंगोली, नांदेड, परभणी, लातूर, बीड, धाराशिव, सोलापूर, सातारा, सांगली आणि कोल्हापूर जिल्ह्यांत तुरळक ठिकाण हलक्या सरी हजेरी लावण्याचा अंदाज आहे. तर उर्वरित राज्यात उघडीप राहण्याचा अंदाज हवामानशास्त्र विभागाने दिला आहे..ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
